રવિવારે રાત્રે લગભગ 8 વાગે નોર્થ ઈસ્ટર્ન રેલ્વેના તિનિચ અને ગૌર રેલ્વે સ્ટેશનો વચ્ચે માલગાડીની ટક્કર (Train Accident) થી એક જ પરિવારના ત્રણ લોકોના મોત થયા હતા. રેલ્વે ટ્રેકની બાજુમાં માસુમ બાળક સહિત ત્રણના મૃતદેહ મળી આવતાં જ ખળભળાટ મચી ગયો હતો. અકસ્માતમાં પરિવારની એક મહિલાનો આબાદ બચાવ થયો હતો.
ખબરી ગુજરાતની WhatsApp Channelમાં જોડાવા માટે અહીં ટેપ કરો
રવિવારે રાત્રે એક ડાઉન માલગાડી ગૌરા બસ્તી તરફ જઈ રહી હતી. કથોલીયા ગામની સામે પોલ નંબર 584/14 પાસે ટ્રેક ક્રોસ કરતી વખતે માલગાડીની અડફેટે આવતા પાંચ વર્ષના માસુમ સહિત ત્રણ લોકોના ઘટનાસ્થળે જ મોત થયા હતા, જ્યારે તેમની સાથે મુસાફરી કરી રહેલી એક મહિલાનો આબાદ બચાવ થયો હતો. ગુડ્સ ટ્રેનના ડ્રાઈવરે ટીનીચ સ્ટેશન પર અકસ્માતની જાણકારી આપી હતી.
મૃતદેહ પાસે એક થેલીમાંથી કપડાં અને અન્ય વસ્તુઓ મળી આવી હતી. અકસ્માતમાં બચી ગયેલી આરતીએ મૃતકોની ઓળખ પિતા મુન્ની લાલ, પતિ સુનીલ અને પાંચ વર્ષીય પુત્ર પિન્ટુ તરીકે કરી છે, જેઓ ઝારખંડના રાંચી જિલ્લાના પાલહિયા કલાના રહેવાસી છે.
આ પણ વાંચો: તિરુપતિ પહોંચ્યા PM Modi, આવતીકાલે શ્રી વેંકટેશ્વર મંદિરમાં કરશે દર્શન
ઈન્સપેક્ટર ઈન્ચાર્જ ગૌર ઉપેન્દ્ર કુમાર મિશ્રાએ કહ્યું કે ઘણા પ્રયાસ પછી આરતીએ મૃતકોના નામ અને સરનામાં જણાવ્યું હતું. જો કે, તે લોકો ક્યાંથી આવીને રેલ્વે ટ્રેક ક્રોસ કરી રહ્યા હતા તે અત્યારે તે કહી શકી નથી. પોલીસ તેના સામાન્ય થવાની રાહ જોઈ રહી છે.
દેશ અને દુનિયાની અન્ય ઘટનાઓ વિશેની માહિતી માટે બન્યા રહો અમારી વેબસાઇટ www.khabrimedia.com પર.
