Gujarat Titans IPL 2024: ગુજરાત ટાઇટન્સે બીઆર શરથને પોતાની ટીમમાં સામેલ કર્યો છે. જ્યારે રાજસ્થાન રોયલ્સે તનુશ કોટિયનને તક આપી છે.
આ પણ વાંચો – કોંગ્રેસનો વધુ એક કાંગરો ખર્યો, રોહન ગુપ્તાએ આપ્યું રાજીનામું
Gujarat Titans IPL 2024: IPL 2024 પહેલા ગુજરાત ટાઇટન્સ અને રાજસ્થાન રોયલ્સે ટીમમાં ફેરફાર કર્યા છે. ગુજરાતનો ખેલાડી રોબિન મિન્ઝ અકસ્માતને કારણે ટૂર્નામેન્ટમાંથી બહાર થઈ ગયો છે. ટીમે તેની ગેરહાજરીમાં બીઆર શરથને તક આપી છે. જ્યારે એડમ ઝમ્પા રાજસ્થાન રોયલ્સમાંથી બહાર થતા રાજસ્થાને ઝમ્પાની જગ્યાએ તનુષ કોટિયનને ટીમમાં સામેલ કર્યો છે. તનુષ અને શરતનો ડોમેસ્ટિક મેચોમાં સારો રેકોર્ડ છે.
ખબરી ગુજરાતની WhatsApp Channelમાં જોડાવા માટે અહીં ટચ કરો
ગુજરાત ટાઇટન્સે શરથને આપી તક
બીઆર શરથ ડોમેસ્ટિક ક્રિકેટમાં કર્ણાટક માટે રમે છે. તે વિકેટકીપર બેટ્સમેન છે. શરતનો અત્યાર સુધીનો રેકોર્ડ શાનદાર રહ્યો છે. તેણે 28 T20 મેચમાં 328 રન બનાવ્યા છે. તેણે 43 લિસ્ટ A મેચમાં 732 રન બનાવ્યા છે. આ દરમિયાન તેણે 4 અડધી સદી પણ ફટકારી છે. શરતને હજુ મોટા પ્લેટફોર્મ પર રમવાની તક મળી ન હતી. પરંતુ IPLની આ સિઝન તેના જીવનનો ટર્નિંગ પોઈન્ટ બની શકે છે. ગુજરાત ટાઇટન્સે તેને 20 લાખ રૂપિયામાં ખરીદ્યો છે.
તનુષ રાજસ્થાન રોયલ્સમાં જોડાયો
તનુષ ઓલરાઉન્ડર ખેલાડી છે. તે રણજી ટ્રોફી વિજેતા મુંબઈની ટીમનો ભાગ રહી ચૂક્યો છે. તનુષને રાજસ્થાન રોયલ્સે 20 લાખ રૂપિયાની મૂળ કિંમત સાથે ખરીદ્યો છે. તનુષે 23 T20 મેચમાં 24 વિકેટ લીધી છે. જ્યારે તેને તક મળી ત્યારે તેણે રન પણ બનાવ્યા છે. તેણે 19 લિસ્ટ A મેચમાં 20 વિકેટ લીધી છે. તનુષે ફર્સ્ટ ક્લાસ મેચોમાં 75 વિકેટ લીધી છે. આ સાથે 1152 રન પણ બનાવ્યા છે.
ખબરી ગુજરાતના Facebook પેજને ફોલો કરવા અહીં ટચ કરો
મિંજે-ઝામ્પા IPL 2024 માંથી બહાર
ગુજરાત દ્વારા ઝારખંડના ખેલાડી રોબિન મિન્ઝનો ટીમમાં સમાવેશ કરવામાં આવ્યો હતો. પરંતુ રોડ અકસ્માતને કારણે તે ઘાયલ થયો હતો. મિંજને ગંભીર ઈજા થઈ નથી. પરંતુ તે ચોક્કસપણે આ સિઝનમાંથી બહાર હતો. તેને ગુજરાતે 3.6 કરોડ રૂપિયામાં ખરીદ્યો હતો. રાજસ્થાનના એડમ ઝમ્પાની વાત કરીએ તો તેણે અંગત કારણોસર પોતાનું નામ પાછું ખેંચ્યું છે.
