કોણ છે અયોધ્યાના રામ મંદિરની જગ્યાના માલિક? જાણો

ભગવાન શ્રી રામના જન્મસ્થળ અયોધ્યામાં ભવ્ય રામ મંદિરનું નિર્માણ હવે અંતિમ તબક્કામાં છે. આ મંદિરમાં 22મી જાન્યુઆરીએ રામલલા બિરાજશે, જેની તૈયારીઓ ચાલી રહી છે. અયોધ્યામાં એ જ જમીન પર રામ મંદિરનું નિર્માણ થઈ રહ્યું છે, જેના પર અગાઉ બાબરી મસ્જિદ બની હતી. જ્યાં ભગવાન શ્રી રામનો જન્મ હજારો વર્ષ પહેલા થયો હોવાનું માનવામાં આવે છે.

રામ મંદિરનું ગર્ભગૃહ મકરાણા આરસ પથ્થરથી બનેલું છે, જેની ડિઝાઇન એવી છે કે રામનવમી એટલે કે ભગવાન રામની જન્મજયંતિના દિવસે સૂર્યપ્રકાશનું પ્રથમ કિરણ સીધું રામલલાની મૂર્તિ પર પડશે. નગારા શૈલીમાં બનેલા 235 ફૂટ પહોળા, 360 ફૂટ લાંબા અને 161 ફૂટ ઊંચા રામ મંદિરની મુખ્ય ઇમારત રાજસ્થાનના બંસી પર્વતના રેતીના પથ્થરમાંથી બનાવવામાં આવી રહી છે, જેનો ઉપયોગ હજારો વર્ષોથી થઈ રહ્યો છે.

દાવો કરવામાં આવી રહ્યો છે કે પૂર્ણ થયા બાદ રામ મંદિર વિશ્વનું ત્રીજું સૌથી મોટું હિન્દુ મંદિર હશે. તે અમદાવાદના સોમપુરા પરિવાર દ્વારા ડિઝાઇન કરવામાં આવ્યું છે, જેઓ 15 પેઢીઓથી મંદિરોની ડિઝાઇન કરી રહ્યા છે. ઉત્તર પ્રદેશના જાલેસરમાં બનેલા મંદિરમાં 2100 કિલો વજનની 6 ફૂટ ઉંચી અને 5 ફૂટ પહોળી ઘંટડી સ્થાપિત કરવામાં આવશે. મંદિરમાં 500, 250 અને 100 કિલો વજનની 10 નાની ઘંટડીઓ પણ સ્થાપિત કરવામાં આવશે.

ખબરી ગુજરાતની WhatsApp Channelમાં જોડાવા માટે અહીં ટચ કરો

મંદિરના આંગણા અને દરવાજા બનાવવા માટે મહારાષ્ટ્રના ચંદ્રપુરથી ખાસ સાગનું લાકડું લાવવામાં આવ્યું છે, જે ઘણી સદીઓ સુધી કોઈ પણ રીતે બગડતું નથી અને ઉધઈથી પણ પ્રભાવિત થતું નથી.

ખબરી ગુજરાતના Facebook પેજને ફોલો કરવા અહીં ટચ કરો

રામ મંદિરના ગર્ભગૃહમાં બે મૂર્તિઓ રાખવામાં આવશે. ભગવાન શ્રી રામની એક મૂર્તિ, જે 1949 થી કેસના નિર્ણય સુધી પહેલા મંદિરમાં અને પછી તંબુની અંદર રાખવામાં આવી હતી, બીજી નવી મોટી મૂર્તિ બનાવવામાં આવી છે.

રામ મંદિર સંકુલ આશરે 70 એકર છે, જેમાંથી મુખ્ય ઇમારત 2.7 એકર અથવા અંદાજે 54,700 ચોરસ ફૂટ જમીન પર બનાવવામાં આવી રહી છે. સવાલ એ છે કે રામ મંદિરની આ વિશાળ જમીન સંપત્તિનો માલિક કોણ છે?

અમે આ પ્રશ્નનો જવાબ આપીએ છીએ. કેન્દ્ર સરકારે રામ મંદિર નિર્માણ માટે શ્રી રામ જન્મભૂમિ તીર્થ ક્ષેત્ર ટ્રસ્ટની રચના કરી છે. સુપ્રીમ કોર્ટના 2019ના નિર્ણય અનુસાર આ ટ્રસ્ટ રામ મંદિરની સમગ્ર જમીનની માલિકી ધરાવે છે.

મંદિરના નિર્માણ માટે એકત્ર કરાયેલા નાણાથી લઈને ખર્ચ સુધીનું કામ ટ્રસ્ટ સાંભળે છે અને એની જવાબદોરી છે