Success Story Of Puranpoli Ghar : તમે દરરોજ, સોશિયલ મીડિયા પર બિઝનેસ અને સ્ટાર્ટઅપ્સ વિશે ઘણી બધી ટિપ્સ અને ટ્રિક્સ જોતા હશો. કેટલીક બિઝનેસ સક્સેસની સ્ટોરી પણ તમારી સામે આવતી હશે. જે તમને પ્રેરણા આપી શકે છે. આજે, અમે તમારા માટે આવા જ સફળ સ્ટાર્ટઅપની સ્ટોરી લઈને આવ્યાં છીએ. એક એવા વ્યક્તિની સાફલ્યગાથા જે પોતાના સંઘર્ષના સમયમાંથી પસાર થયો અને કરોડો રૂપિયાનો બિઝનેસ બનાવ્યો છે.
આ પણ વાંચો : તો શું ભારતનો વધુ એક દુશ્મન દાઉદ પણ…
વાત કરીએ કેઆર ભાસ્કર (KR Bhaskar)ની, જેઓ પુરણપોળી ઘર નામની કંપની ચલાવે છે. તેણે શૂન્યથી શરૂઆત કરી હતી અને હવે તેના પોતાના વ્યવસાયમાંથી પુષ્કળ કમાણી કરે છે. અહીં, અમે પુરણપોળી ઘર (Puranpoli Ghar)ની સક્સેસ સ્ટોરી વિશે વાત કરીશું અને કેવી રીતે ભાસ્કરે તેના બિઝનેસને કરોડો રૂપિયાના એન્ટરપ્રાઇઝમાં ફેરવ્યો.
KR Bhaskar ભારતના કર્ણાટકમાં રહે છે. તે Puranpoli Ghar નામની કંપનીના માલિક છે. ભાસ્કર એક ગરીબ પરિવારમાંથી હતા પરંતુ હંમેશા કંઈક કરી બતાવવાનું સપનું જોતા હતા. તેણે ખૂબ જ નાની ઉંમરે કામ કરવાનું શરૂ કર્યું કારણ કે તે તેના સપનાને સાકાર કરવા માટે મક્કમ હતા.
ખબરી ગુજરાતની WhatsApp Channelમાં જોડાવા માટે અહીં ટચ કરો
ભાસ્કરે એક ઈન્ટરવ્યુમાં કહ્યું હતું કે જ્યારે તે માત્ર 12 વર્ષનો હતો ત્યારે તેણે બેંગલુરુની એક હોટલમાં વેઈટર તરીકે કામ કરવાનું શરૂ કર્યું હતું. તેણે ત્યાં વાસણો અને ટેબલ સાફ કરવામાં 5 વર્ષ વિતાવ્યા. બાદમાં, તેણે 8 વર્ષ સુધી ડાન્સ ટીચર તરીકે કામ કર્યું. આ કામો કરતી વખતે, તેણે ઘણી નાની-નાની નોકરીઓ કરી, પરંતુ તેમાંથી ગુજરાન ચલાવવું મુશ્કેલ હતું. તેણે પોતાની જાત પર વિશ્વાસ મૂક્યો અને સાયકલ પર પુરણપોળી વેચવાનું નક્કી કર્યું. આ રીતે તેમની કંપની Puranpoli Ghar ની શરૂઆત થઈ હતી.
KR Bhaskar રોજીરોટી કમાવવા માટે સાયકલ પર પોતે જ પુરણપોળી બનાવતા અને વેચતા હતા. પછી, એક દિવસ, ભાસ્કરની એક રસોઈ શો માટે પસંદગી કરવામાં આવી અને આ રીતે આસપાસના લોકો તેને ઓળખતા થયા.
ખબરી ગુજરાતના Facebook પેજને ફોલો કરવા અહીં ટચ કરો
તેણે પોતાના પુરણપોળીના વ્યવસાયને વધુ લોકપ્રિય બનાવવાનું શરૂ કર્યું અને તેને બ્રાન્ડમાં ફેરવી દીધી. ત્યારબાદ, તેણે કર્ણાટકમાં પોતાનું પહેલું પુરણપોલી ઘર આઉટલેટ ખોલ્યું. તે પછી ભાસ્કર અને તેની કંપનીએ ઝડપથી વિકાસ કર્યો. આજે મહારાષ્ટ્ર અને કર્ણાટકમાં KR ભાસ્કરની કંપની પુરનપોલી ઘરની ઘણી દુકાનો શરૂ થઈ ગઈ છે. Puranpoli Ghar આ દુકાનો દ્વારા દર મહિને લાખો રૂપિયાની કમાણી કરે છે. દરરોજ તેઓ 1000 થી વધુ પુરણપોળીનું વેચાણ કરે છે.
આ કંપની માત્ર પુરણપોળી વેચતી નથી; તેઓ તેમના સ્ટોર્સમાં 400 થી વધુ ફૂડ આઇટ્મસ બનાવે છે. કેઆર ભાસ્કરના વિશ્વાસ અને મહેનતને કારણે આજે આ કંપનીની કિંમત કરોડોમાં છે.
આ પણ વાંચો : 18 December : જાણો, આજનો ઈતિહાસ
જો તમને પણ આ પ્રકારની સાફલ્યગાથા વાંચવી ગમે છે, તો અમારી વેબસાઇટને ફોલો કરો, તેમજ તમારા મિત્રો અને સગાસંબંધીઓને પણ આ પ્રકારની સ્ટોરી શેઅર કરો. જેથી આવી સફળતાની કહાનીઓમાંથી પ્રેરણા મેળવી તેઓ પણ પોતાના સપના સાકાર કરી શકે.
