IND vs SA : મોહમ્મદ સિરાજ અને જસપ્રિત બુમરાહની જબરદસ્ત બોલિંગના કારણે ભારતીય ટીમે દક્ષિણ આફ્રિકાને તેની જ ધરતી પર બીજી ટેસ્ટમાં 7 વિકેટે હરાવ્યું છે. ભારત અને યજમાન દક્ષિણ આફ્રિકા વચ્ચે રમાઈ રહેલી બીજી ટેસ્ટ બે દિવસ પહેલા સમાપ્ત થઈ ગઈ. 03 જાન્યુઆરીએ શરૂ થયેલી આ મેચ 04 જાન્યુઆરીએ એટલે કે બીજા દિવસે જ બીજી ઈનિંગમાં પૂરી થઈ ગઈ. રોહિત શર્માની કેપ્ટન્સીવાળી ટીમ ઈન્ડિયાને મેચ જીતવા માટે 79 રનનો ટાર્ગેટ હતો, જેને તેણે 12 ઓવરમાં 3 વિકેટ ગુમાવીને હાંસલ કરી લીધો હતો. ભારત માટે સિરાજે પ્રથમ ઈનિંગમાં 6 અને બુમરાહે બીજી ઈનિંગમાં 6 વિકેટ ઝડપી હતી.
આ પણ વાંચો : આ કંપનીઓ કર્મચારીઓ પર મહેરબાન, ફ્લેટથી લઈ ગાડીઓ કરી ગિફ્ટ
સમગ્ર મેચમાં બોલરોનો દબદબો રહ્યો હતો. પહેલા ભારતીય ફાસ્ટ બોલરોએ તબાહી મચાવી અને પછી બીજા ઈનિંગમાં આફ્રિકાના ફાસ્ટ બોલરોએ ભારતીય બેટ્સમેનોને ઘૂંટણીએ પાડી દીધા હતા. યજમાન આફ્રિકાએ ટોસ જીતીને બેટિંગ કરવાનો નિર્ણય લીધો હતો. પ્રથમ દાવમાં સિરાજે 6 વિકેટ લઈને આફ્રિકાને 55 રનમાં ઓલઆઉટ કરવામાં મહત્વનું યોગદાન આપ્યું હતું. સિરાજ સિવાય જસપ્રિત બુમરાહ અને મુકેશે 2-2 વિકેટ લીધી હતી.
ત્યાર બાદ પ્રથમ દાવમાં બેટિંગ કરવા આવેલી ભારતીય ટીમ પહેલા જ દિવસે 153 રનમાં સમેટાઈ ગઈ હતી. આ દરમિયાન આફ્રિકા તરફથી કાગીસો રબાડા, નાન્દ્રે બર્જર અને લુંગી એનગિડીએ 3-3 વિકેટ લીધી હતી. પ્રથમ દાવમાં ભારતીય ટીમનો સ્કોર 153/4 હતો જે માત્ર 11 બોલમાં 153/10 થઈ ગયો હતો. લુંગી એન્ડિગી અને કાગીસો રબાડાએ 11 બોલના ગાળામાં 5 ભારતીય બેટ્સમેનોને આઉટ કર્યા, જ્યારે 1 વિકેટ રન આઉટ દ્વારા પડી.
ખબરી ગુજરાતની WhatsApp Channelમાં જોડાવા માટે અહીં ટચ કરો
રોહિત શર્માની કેપ્ટન્સીવાળી ટીમ ઈન્ડિયાને પ્રથમ દાવમાં 153 રનમાં આઉટ કર્યા બાદ દક્ષિણ આફ્રિકા પહેલા જ દિવસે બીજા દાવમાં બેટિંગ કરવા ઉતર્યું હતું. દિવસના અંતે આફ્રિકાએ 3 વિકેટે 62 રન બનાવી લીધા હતા. પ્રથમ દિવસના અંત સુધીમાં આફ્રિકા 36 રનથી પાછળ હતું.
બીજા દિવસે બુમરાહનો તરખાટ
ત્યારબાદ બીજા દિવસે ભારતીય ઝડપી બોલર જસપ્રિત બુમરાહે તબાહી મચાવી 6 વિકેટ ઝડપી આફ્રિકાને 176 રનમાં ઓલઆઉટ કરવામાં મહત્વનું યોગદાન આપ્યું હતું. બુમરાહ સિવાય મુકેશ કુમારે 2 અને સિરાજ અને પ્રસિદ્ધ કૃષ્ણાએ 1-1 વિકેટ લીધી હતી. જો કે બીજી ઈનિંગમાં એઈડન માર્કરામે આફ્રિકા માટે સદી ફટકારી હતી અને 103 બોલમાં 17 ચોગ્ગા અને 2 છગ્ગાની મદદથી 106 રન બનાવ્યા હતા, પરંતુ અન્ય કોઈ બેટ્સમેન માર્કરામનો સાથ આપી શક્યો નહોતો.
ખબરી ગુજરાતના Facebook પેજને ફોલો કરવા અહીં ટચ કરો
બીજા દાવમાં આફ્રિકા 176 રનમાં ઓલઆઉટ થઈ ગયું હતું અને ભારતને 79 રનનો ટાર્ગેટ આપ્યો હતો, જેને રોહિત બ્રિગેડે 12 ઓવરમાં હાંસલ કરી લીધો હતો અને બીજા દિવસના અંત પહેલા જીત મેળવી લીધી હતી. ચોથી ઇનિંગમાં લક્ષ્યનો પીછો કરતી વખતે યશસ્વી જયસ્વાલે ભારત માટે 28 રનની સૌથી મોટી ઇનિંગ રમી હતી.
આ પણ વાંચો : સરકારી નોકરીની તૈયારી કરતા યુવાનો માટે મોટા સમાચાર
મેચમાં ભારતીયના ફાસ્ટ બોલરોએ ઈતિહાસ રચ્યો હતો અને તમામ 20 વિકેટો લીધી હતી. ભારત તરફથી પ્રથમ દાવમાં મોહમ્મદ સિરાજે 6 વિકેટ ઝડપી હતી. આ સિવાય જસપ્રીત બુમરાહ અને મુકેશ કુમારને 2-2 વિકેટ મળી હતી. ત્યારબાદ બીજી ઇનિંગમાં જસપ્રીત બુમરાહે ભારત તરફથી સૌથી વધુ 6 વિકેટ ઝડપી હતી. આ સિવાય મુકેશ કુમારને 2 સફળતા મળી. જ્યારે મોહમ્મદ સિરાજ અને પ્રસિદ્ધ કૃષ્ણાએ 1-1 વિકેટ લીધી હતી.
