Interest Rate On PF : માર્ચ 2022માં ઈપીએફઓના નાણાકિય વર્ષ 2021-22માં વ્યાજ દરને ઘટાડીને 8.10 ટકા કર્યું હતુ. જે 1977-78 બાદ સૌથી ઓછું હતુ. તે સમયે પીએફ પર વ્યાજ દર 8 ટકા હતો.
આ પણ વાંચો : ઓટો મેન્યુફેક્ચરિંગને લઈ નિતિન ગડકરીએ આપ્યું મોટુ નિવેદન
Interest Rate On PF : એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) એ નાણાકીય વર્ષ 2023-24 માટે વ્યાજ દરોમાં વધારાની જાહેરાત કરી છે. હવે કર્મચારીઓને ગયા વર્ષ કરતાં વધુ વ્યાજ દર મળશે. કર્મચારી ભવિષ્ય નિધિ સંગઠન એટલે કે EPFOએ નાણાકીય વર્ષ 2023-24 માટે કર્મચારી ભવિષ્ય નિધિ (EPF) પર વ્યાજ દર 8.25 ટકા નક્કી કર્યો છે. છેલ્લા ત્રણ વર્ષમાં આ સૌથી વધુ વ્યાજ દર છે.
ખબરી ગુજરાતની WhatsApp Channelમાં જોડાવા માટે અહીં ટચ કરો
ગત વર્ષે માર્ચમાં EPFOએ નાણાકીય વર્ષ 2022-23 માટે વ્યાજ દર વધારીને 8.15 ટકા કર્યો હતો. 2021-22માં તે 8.10 ટકા હતો. માર્ચ 2022 માં, EPFOએ નાણાકીય વર્ષ 2021-22 માટે વ્યાજ દર ઘટાડીને 8.10 ટકા કર્યો હતો, જે 1977-78 પછી સૌથી નીચો હતો. તે સમયે પીએફ પર વ્યાજ દર 8 ટકા હતો.
નવો વ્યાજ દર 8.25% રહેશે
નાણાકીય વર્ષ 2023-24 માટે 8.25 ટકા વ્યાજ દર આપવાનો નિર્ણય EPFOની ટોચની નિર્ણય લેતી સંસ્થા સેન્ટ્રલ બોર્ડ ઓફ ટ્રસ્ટીઝ (CBT) દ્વારા શનિવાર, 10 ફેબ્રુઆરીએ મળેલી બેઠક દરમિયાન લેવામાં આવ્યો હતો. “CBT એ 2023-24 માટે EPF પર 8.25 ટકા વ્યાજ દર આપવાનો નિર્ણય કર્યો છે,” એક સૂત્રએ પીટીઆઈને જણાવ્યું. CBTના નિર્ણય પછી, 2023-24 માટે EPF પર વ્યાજ દર સંમતિ માટે નાણાં મંત્રાલયને મોકલવામાં આવશે. સરકાર દ્વારા મંજૂરી મળ્યા બાદ વ્યાજ દર છ કરોડથી વધુ EPFO સભ્યોના ખાતામાં જમા થશે.
ખબરી ગુજરાતના Facebook પેજને ફોલો કરવા અહીં ટચ કરો
2014-15માં વ્યાજ દર 8.75 ટકા હતો
માર્ચ 2020માં, EPFOએ પ્રોવિડન્ટ ફંડ ડિપોઝિટ પરનો વ્યાજ દર 2018-19માં 8.65 ટકાથી ઘટાડીને 8.5 ટકા કર્યો હતો. છેલ્લા કેટલાક વર્ષોમાં EPFOના વ્યાજ દરોમાં વધઘટ જોવા મળી રહી છે. તે 2016-17માં 8.65 ટકા, 2017-18માં 8.55 ટકા અને 2015-16માં 8.8 ટકાથી થોડો વધારે હતો. સુપરએન્યુએશન ફંડ બોડીએ 2013-14 અને 2014-15માં 8.75 ટકાના ઊંચા વ્યાજ દરની ઓફર કરી હતી. જ્યારે 2012-13 માટે પીએફ પર વ્યાજ દર 8.5 ટકા હતો અને વર્ષ 2011-12માં વ્યાજ દર 8.25 ટકા હતો.
