એમએસ ધોનીએ ચાહકોના ધબકારા વધાર્યા, કર્યુ મોટુ એલાન

Dhoni Viral Post : આઈપીએલ 2024 પહેલા ચેન્નઈ સુપરકિંગ્સ એટલે કે સીએસકેના કેપ્ટન એમએસ ધોનીની એક પોસ્ટે ચાહકોના ધબકારા વધારી દીધા છે. પોસ્ટમાં તે નવી ભુમિકાની વાત કરી રહ્યો છે.

આ પણ વાંચો – સ્ટેચ્યુ ઓફ યુનિટી ખાતે શરૂ થશે કેસુડા ટ્રેઇલ, જાણો કેસુડાનું મહત્વ

Dhoni Viral Post : IPL 2024માં પ્રથમ મેચ MS ધોનીની કેપ્ટન્સી હેઠળ CSK અને ફાફ ડુ પ્લેસિસની કેપ્ટન્સીમાં RCB વચ્ચે રમાશે. આ મેચ 22 માર્ચે રમાવાની છે. આ મેચને આડે હવે ગણતરીના દિવસો બાકી છે. ઇન્ડિયન પ્રીમિયર લીગની પહેલી જ મેચમાં ફેન્સ ફરી એકવાર એમએસ ધોની (MS Dhoni)ને મેદાન પર જોવા માંગે છે. શું આ વખતે IPLમાં મહેન્દ્ર સિંહ ધોનીની ભૂમિકા બદલાશે? ધોનીની એક પોસ્ટે ક્રિકેટ જગતમાં ખળભળાટ મચાવી દીધો હતો.

ધોનીએ ફેસબુક પર કર્યુ એલાન

મહેન્દ્ર સિંહ ધોની સોશિયલ મીડિયા પર ભાગ્યે જ એક્ટિવ રહે છે. આ દરમિયાન, સોમવારે એમએસ ધોનીએ ફેસબુક પર એક પોસ્ટ કરી, જેમાં લખ્યું છે કે નવી સીઝન અને નવા ‘રોલ’ માટે રાહ નથી જોઈ શકતો. જોડાયેલા રહો! હવે સવાલ એ છે કે એમએસ ધોની CSKમાં નવી ભૂમિકામાં જોવા મળશે કે પછી કંઈક બીજું છે. કોઈપણ રીતે, ધોનીએ ક્વોટમાં ભૂમિકા લખી છે. આના પરથી અંદાજ લગાવવામાં આવી રહ્યો છે કે તેઓ એક જાહેરાત વિશે વાત કરી રહ્યા છે જે આગામી દિવસોમાં ટીવી અને મોબાઈલ પર બતાવવામાં આવી શકે છે.

ખબરી ગુજરાતની WhatsApp Channelમાં જોડાવા માટે અહીં ટચ કરો

2022માં રવિન્દ્ર જાડેજા હતો ટીમનો કેપ્ટન

છેલ્લા બે-ત્રણ વર્ષથી એવી અટકળો ચાલી રહી છે કે એમએસ ધોની પછી CSKનો નવો કેપ્ટન કોણ હશે. 2022 IPL શરૂ થવાના થોડા દિવસો પહેલા જ ધોનીએ CSKની કેપ્ટનશીપ છોડી દીધી હતી અને રવિન્દ્ર જાડેજાને નવો કેપ્ટન બનાવવામાં આવ્યો હતો. પરંતુ જાડેજા પોતાની કેપ્ટનશીપમાં કંઈ ખાસ કરી શક્યો ન હતો. જાડેજાની કપ્તાનીમાં ટીમે કુલ 8 મેચ રમી અને તેમાંથી ટીમ માત્ર 2 જ જીતી શકી. બાકીની 6 મેચમાં તેને હારનો સામનો કરવો પડ્યો હતો. આ પછી જાડેજાએ કેપ્ટન્સી અધવચ્ચે જ છોડી દીધી અને ધોની ફરીથી કેપ્ટન બન્યો. જોકે, ત્યાં સુધીમાં ઘણું મોડું થઈ ગયું હતું અને CSKની ટીમ પ્લેઓફમાં જઈ શકી નહોતી.

ખબરી ગુજરાતના Facebook પેજને ફોલો કરવા અહીં ટચ કરો

2022 ના ખરાબ પ્રદર્શન પછી, ધોની સમગ્ર 2023 સીઝન માટે CSKનો કેપ્ટન રહ્યો અને ટીમે પાંચમી વખત ટાઇટલ કબજે કર્યું. દરમિયાન, ફરીથી એવી અટકળો ચાલી રહી છે કે આ ધોનીની છેલ્લી આઈપીએલ હોઈ શકે છે, પરંતુ ધોનીએ પોતે આ વિશે કંઈ કહ્યું નથી. આવી સ્થિતિમાં કશું કહેવું શક્ય નથી. હા, એ વાત ચોક્કસ છે કે ધોનીએ સોશિયલ મીડિયા પર પોસ્ટ કરી છે, તો કંઈક નવું હોવું જોઈએ. પછી તે જાહેરાતને લઈને હોય કે ટીમને લઈને. આગામી દિવસોમાં ખુલાસો થાય તેવી શક્યતા છે.