ભારતના આ મંદિરોમાં જતા જ રૂંવાડા થઈ જશે ઊભા

Horror Temple in India : ભારતમાં એવા કેટલાય રહસ્યમય મંદિરો આવેલા છે કે જ્યાં લોકો ખરાબ આત્માના છાંયાથી પીછો છોડાવા જતાં હોય છે. આ મંદિરો વિશે જાણીને તમારા પણ રૂંવાડા ઊભા તઈ જશે.

આ પણ વાંચો : ભારતના આ રહસ્યમય મંદિરોનું રહસ્ય વૈજ્ઞાનિકો પણ ઉકેલી શક્યા નથી

Horror Temple in India : ભારતમાં આજે પણ લોકો મંદિરો અને દેવી-દેવતાઓમાં ખૂબ જ આસ્થા ધરાવે છે, જ્યારે ભક્તોની સમસ્યાનું નિરાકરણ નથી આવી શકતું ત્યારે તેઓ ભગવાનને જ યાદ કરે છે. તેવી જ રીતે, જો કોઈ ભૂત અથવા દુષ્ટ આત્માનો પડછાયો દેખાય તો લોકો મંદિરોમાં આશ્રય માટે જાય છે. જો કે આ બધી બાબતોને અંધશ્રદ્ધા કહેવામાં આવે છે, તેમ છતાં ઘણા લોકો તેમાં વિશ્વાસ કરે છે. ભારતના ઘણા શહેરોમાં એવા કેટલાક મંદિરો છે જ્યાં ખરાબ આત્માઓથી મુક્તિ અપાવવામાં આવ છે.. જો તમે પણ આ મંદિરોના રહસ્યો વિશે જાણશો તો તમારા પણ રૂંવાડા ઊભા થઈ જશે.

ખબરી ગુજરાતની WhatsApp Channelમાં જોડાવા માટે અહીં ટચ કરો

રાજસ્થાનના મહેંદીપુર બાલાજી (Mehndipur Balaji Mandir)

હનુમાનજી મહારાજનું આ મંદિર હજારો વર્ષ જૂનું હોવાની માન્યતા છે. આ મંદિર માત્ર રાજસ્થાનમાં જ નહીં પરંતુ દેશના ઘણા ભાગોમાં ખૂબ જ પ્રસિદ્ધ છે. એવું માનવામાં આવે છે કે જો કોઈ પર ભૂત-પ્રેત કે અશુભ આત્મા કબ્જો કરે છે, તો તેને આ મંદિરમાં આવતા મુક્તિ મળશે છે. પોચા હૃદયવાળા લોકો અહીં આવવાનું ટાળે છે કારણ કે અહીં જે રીતે પૂજા કરવામાં આવે છે તે ખૂબ જ ડરામણી છે. આ મંદિર હનુમાનજીની પૂજા કરવામાં છે. અહીં લોકોને સાંકળોથી બાંધીને દુષ્ટ આત્માને મારવામાં આવે છે. અહીં લોકો પોતાના પર ઉકળતું પાણી પણ રેડે છે અને તેની ચીસો દૂર દૂર સુધી સંભળાય છે.

દત્તાત્રેય મંદિર, મધ્ય પ્રદેશ (Dattatreya Temple, Madhya Pradesh)

મધ્ય પ્રદેશના ગંગાપુરમાં આવેલા આ મંદિરની ગણના ભારતના સૌથી વિચિત્ર મંદિરોમાં થાય છે. લોકોનું માનવું છે કે દત્તાત્રેય મંદિરમાં આવ્યા પછી તેમને લાગે છે કે તેમના શરીર પર કોઈએ કબજો કરી લીધો છે. અમાવસ્યા અને પૂર્ણિમાના દિવસોમાં વધુ લોકો આવે છે. જેની જેની પર ખરાબ આત્માનો પ્રભાવ હોય તેઓ ભગવાનને પણ ગાળો આપે છે. આવા લોકો મંદિરની દિવાલો પર પણ ચઢી જાય છે.

ખબરી ગુજરાતના Facebook પેજને ફોલો કરવા અહીં ટચ કરો

દેવજી મહારાજ મંદિર, મધ્ય પ્રદેશ (Devji Maharaj Temple, Madhya Pradesh)

અહીં ભૂતનો મેળો ભરાય છે. મધ્યપ્રદેશનું દેવજી મહારાજ મંદિર તેના ભૂત મેળા માટે પ્રખ્યાત છે. આ મેળાનું આયોજન પૂર્ણિમાની રાત્રે કરવામાં આવે છે અને એવું માનવામાં આવે છે કે લોકો આ આત્માઓથી મુક્તિ મેળવવા માટે આ મંદિરમાં આવે છે. અહીંના બાબાઓ અને સાધુઓ તેમના ભૂતને ભગાડવા માટે સાવરણીથી લોકોને ઝાડુ મારે છે. કેટલાક લોકો દાવો કરે છે કે મંદિરની આસપાસ આત્માઓ જોવા મળે છે. અહીં લોકો ભૂત-પ્રેતથી મુક્તિ મેળવવા માટે પોતાની હથેળી પર કપૂર રાખે છે.

કામાખ્યા મંદિર, આસામ (Kamakhya Temple, Assam)

આ મંદિર આસામમાં આવેલું છે. આ મંદિરમાં કામાખ્યા માતાની માસિક ધર્મ દરમિયાન પૂજા કરવામાં આવે છે. અહીં પુરુષો જતા નથી પરંતુ માસિક ધર્મ સમયે માતાની પૂજા કરવામાં આવે છે અને લાલ કપડામાં બાંધીને પ્રસાદ આપવામાં આવે છે. એવું માનવામાં આવે છે કે લાલ કપડું માતાના લોહીથી રંગાયેલું છે અને ખૂબ જ પવિત્ર છે. લોકો કહે છે કે ત્યાં તેમને ઘણી બધી આત્માઓની ચીસો સંભળાય છે અને લોકો આત્માઓને ભગાડવા માટે તેમને માતા પાસે લઈ આવે છે.

આ પણ વાંચો : દુનિયાની 10 સૌથી રહસ્યમય જગ્યાઓ, લોકોના પ્રવેશ પર છે પ્રતિબંધ

કોલકાતા, કાલીઘાટ મંદિર (Kalighat Temple, Kolkata)

કોલકાતાનું કાલીઘાટ મંદિર ખૂબ પ્રખ્યાત છે. મા કાલીના આ મંદિરમાં લોકો પોતાની સમસ્યાઓ લઈને આવે છે. જે લોકો ખરાબ આત્મા કે પ્રેતના પ્રભાવમાં હોય તેને અહીં લઈ આવવાથી વ્યક્તિની ખરાબ આત્માના છાંયામાંથી મુક્તિ મળે છે.

હરસુ ભ્રમ મંદિર, બિહાર (Harsu Bhram Temple, Bihar)

બિહારનું આ મંદિર ખૂબ જ વિચિત્ર છે. એવું માનવામાં આવે છે કે આ મંદિર એક બ્રાહ્મણ વ્યક્તિ માટે બનાવવામાં આવ્યું હતું જે ઇચ્છતા હતા કે લોકો તેમની પૂજા કરે. તેમની આત્મા આજે પણ અહીં ફરે છે. લોકો ખરાબ આત્માના પ્રભાવમાંથી મુક્તિ મેળવવા માટે અહીં આવે છે. આ મંદિર ગુપ્ત જગ્યાએ આવેલું છે. અહીં પહોંચવા માટે તમારે સ્થાનિક લોકોની મદદ લેવી પડશે.