IPL 2024 : હાલ ભારતમાં IPL 2024ની રોમાંચક મેચોનો લોકો આનંદ લઈ રહ્યાં છે. ત્યારે બીસીસીઆઈએ આ આઈપીએલ સીઝનના શેડ્યુલમાં ફેરફાર કરવાનો નિર્ણય કર્યો છે.
આ પણ વાંચો – BCCIએ શા માટે બોલાવી IPL ટીમના માલિકોની તાબડતોબ બેઠક?
IPL 2024 : IPL 2024નું પ્રથમ સપ્તાહ રોમાંચક મેચોથી ભરેલું હતું. આ ટૂર્નામેન્ટ 26 મે સુધી ચાલશે, પરંતુ હવે BCCIએ વર્તમાન IPL સિઝનની 2 મેચોમાં ફેરફાર કરવાનો નિર્ણય લીધો છે. કોલકાતા નાઈટ રાઈડર્સ (KKR) અને રાજસ્થાન રોયલ્સ (RR) વચ્ચેની મેચમાં પહેલો ફેરફાર કરવામાં આવ્યો છે. આ મેચ પહેલા કોલકાતાના ઈડન ગાર્ડન્સ સ્ટેડિયમમાં 17મી એપ્રિલે યોજાવાની હતી, પરંતુ હવે તેની તારીખ એક દિવસ પહેલા એટલે કે 16મી એપ્રિલ સુધી મુલતવી રાખવામાં આવી છે. દિલ્હી કેપિટલ્સ અને ગુજરાત ટાઇટન્સ વચ્ચેની મેચમાં બીજો ફેરફાર કરવામાં આવ્યો છે. આ પહેલા અમદાવાદના નરેન્દ્ર મોદી સ્ટેડિયમમાં 16મી એપ્રિલે યોજાવાની હતી, પરંતુ દિલ્હી અને ગુજરાત વચ્ચેની આ મેચ હવે 17મી એપ્રિલે રમાશે.
ખબરી ગુજરાતની WhatsApp Channelમાં જોડાવા માટે અહીં ટચ કરો
ક્રિકેટ એસોસિએશન ઓફ બંગાળ (CAB) કોલકાતામાં સુરક્ષા વ્યવસ્થાને લઈને વિશ્વાસ નથી. 17મી એપ્રિલે રામનવમી હોવાથી કોલકાતા પોલીસે સુરક્ષા વ્યવસ્થા અંગે કોઈ સ્પષ્ટતા કરી નથી. બંગાળમાં લોકસભા ચૂંટણીના પ્રથમ તબક્કા માટે 19મી એપ્રિલે મતદાન થવાનું છે. CAB એ BCCIને સૂચન કર્યું હતું કે કાં તો KKR vs RR મેચ એક દિવસ પહેલા એટલે કે 16મી એપ્રિલે અથવા એક દિવસ પછી 18મી એપ્રિલે શિફ્ટ કરવી જોઈએ. અન્ય એક સમાચાર સામે આવ્યા છે કે જ્યારે શિડ્યુલમાં ફેરફાર થાય છે, ત્યારે તેના પછી બીજા ઘણા ફેરફારો થવાનું નિશ્ચિત છે.
ખબરી ગુજરાતના Facebook પેજને ફોલો કરવા અહીં ટચ કરો
કોલકાતા નાઈટ રાઈડર્સે આઈપીએલ 2024માં અત્યાર સુધી 2 મેચ રમી છે અને શ્રેયસ અય્યરની કેપ્ટનશીપમાં ટીમ બંને મેચમાં વિજયી રહી છે. KKRના હાલમાં 4 પોઈન્ટ છે અને ટીમ પોઈન્ટ ટેબલમાં બીજા ક્રમે છે. KKRની આગામી મેચ 3 એપ્રિલે દિલ્હી કેપિટલ્સ સામે રમવાની છે. દિલ્હી કેપિટલ્સ પણ તેમની છેલ્લી મેચ જીતીને આવી રહી છે, જેમાં તેણે CSKને 20 રને હરાવ્યું હતું. કઈ ટીમ જીત નોંધાવે છે તે જોવાનું રહેશે.
