Anurag Thakur On OTT : કેન્દ્રીય મંત્રી અનુરાગ ઠાકુરે ઓટીટીની આડમાં અશ્લિલ કન્ટેન્ટથી લોકોની લાગણીઓને ઠેંસ પહોંચાડવાનો પ્રયાસ કરતા તત્વોને ચેતવણી આપી છે. અનુરાગ ઠાકુરે કહ્યું કે નિર્માતાઓને કળા પ્રત્યે પોતાની જવાબદારીનું ભાન હોવું જોઈએ.
આ પણ વાંચો : રવિન્દ્ર જાડેજાએ પિતાના ઇન્ટરવ્યુને ગણાવ્યો વાહિયાત, કહ્યુ…
Anurag Thakur On OTT : કેન્દ્રીય માહિતી અને પ્રસારણ મંત્રી અનુરાગ ઠાકુરે (Union Minister Anurag Thakur) તાજેતરમાં એક કાર્યક્રમ દરમિયાન મનોરંજન જગત વિશે વાત કરતા મેકર્સને ચેતવણી આપી હતી. આ દિવસોમાં OTT પ્લેટફોર્મ પર મૂવીઝ અને વેબ સિરીઝ જોવાનો ટ્રેન્ડ ખૂબ જ વધી ગયો છે. દર્શકો હવે એકલા ઘરે મૂવી અને સિરીઝ જોવાનું પસંદ કરે છે. OTT પર જોવા માટે ઘણા પ્રકારનું કન્ટેન્ટ ઉપલબ્ધ છે, જ્યાં અમુક લોકોને તે ગમે છે અને અમુક કન્ટેન્ટને લઈને હોબાળો થાય છે. દરમિયાન, અનુરાગ ઠાકુરે હવે OTT પ્લેટફોર્મ્સ પર બતાવવામાં આવતી સામગ્રી વિશે વાત કરી છે.
અનુરાગ ઠાકુરે ચેતવણી આપી
અનુરાગ ઠાકુરે (Anurag Thakur) ચેતવણી આપી હતી કે OTT સામગ્રીની ટીકા કરવાને બદલે તેમને સાચા માર્ગ પર લાવવાના પ્રયાસો કરવા જોઈએ અને ભારતીય વાર્તાઓ, સંસ્કૃતિ અને પરંપરાઓને વિશ્વના દર્શકો સુધી લઈ જવાની વાત કરવી જોઈએ. અનુરાગ ઠાકુરે સેલ્ફ રેગ્યુલેશનના નામે OTT પર અશ્લીલ કન્ટેન્ટ (Obscene content) બતાવવા પર પોતાનું કડક નિવેદન આપ્યું છે. સંસદ સત્ર પછી ઓટીટી પ્લેટફોર્મ સાથેની બેઠકમાં તેમણે કહ્યું કે સરકારનો ઉદ્દેશ્ય ઉદ્યોગનો વિકાસ કરવાનો છે, પરંતુ સ્વ-નિયમનના નામે અશ્લીલતાને સાંખી લેવામાં આવશે નહીં.
ખબરી ગુજરાતની WhatsApp Channelમાં જોડાવા માટે અહીં ટચ કરો
અનુરાગ ઠાકુરે શું કહ્યું?
કેન્દ્રીય માહિતી અને પ્રસારણ મંત્રી અનુરાગ ઠાકુરે (Anurag Thakur) જણાવ્યું હતું કે ‘ઓટીટી મનોરંજન માટે એક નવું સ્થળ બની ગયું છે અને દરરોજ તેનો વધતો ગ્રાહક વર્ગ તેનો પુરાવો છે. સ્વ-નિયમનના નામે અશ્લીલતા સાંખી લેવામાં આવશે નહીં. સરકારની નજર ચારે તરફ છે, કલા નિર્માતાઓએ કલા પ્રત્યેની તેમની જવાબદારીનું ભાન કરાવવું જોઈએ. સ્વતંત્રતાની આડમાં અશ્લીલતા સહન કરી શકાય નહિ, ધાર્મિક લાગણીઓને ઠેસ પહોંચાડવાથી ઘણી વખત ઘણી સમસ્યાઓ થાય છે.
ખબરી ગુજરાતના Facebook પેજને ફોલો કરવા અહીં ટચ કરો
મનોરંજન અને સમાજ વચ્ચે સંતુલન જાળવવાની જરૂરિયાત પર ભાર મૂકતા, માહિતી અને પ્રસારણ મંત્રીએ કહ્યું, ‘સરકારનો ઉદ્દેશ્ય બિઝનેસ વધારવાનો છે. મનોરંજન ઉદ્યોગ દર વર્ષે 28 ટકાના દરે વિકસી રહ્યો છે અને તેમાં રોજગાર અને આવક પેદા કરવાની વિશાળ સંભાવના છે.
