બિઝનેસ ડેસ્ક; ખબરી મીડિયા
વર્તમાન સમયમાં વધી ગયેલા ઓનલાઈન છેતરપિંડી કેસોના કારણે રિઝર્વ બેંક ઓફ ઇન્ડિયાએ એક નવી ગાઈડલાઈન બહાર પાડી છે. આ નવી ગાઈડલાઈન જાહેર કરતાનો ઉદ્દેશ્ય લોકોને ઓનલાઈન છેતરપિંડીથી બચાવવાનો છે. ઓન લાઈન ફ્રોડના કેસોમાં ખુબ જ મોટો ઉછાળો થયો છે.
ડિજિટલ યુગમાં ડિજિટલ ટ્રાંજેક્શનના સમયમાં ઓનલાઈન છેતરપિંડીના કેસોમાં પણ વધારો થયો છે. જેને રોકવા માટે રિઝર્વ બેંક ઓફ ઈન્ડિયાએ મોટું પગલું લીધું છે. આરબીઆઈએ બેંકો માટે નવી માર્ગદર્શિકા જાહેર કરી છે. આરબીઆઈ દ્વારા આપવામાં આવેલું આ અપડેટ KYCને લઈને આવ્યું છે. આરબીઆઈએ ગ્રાહક ચકાસણી સિસ્ટમ વધુ મજબૂત બનાવવાનો નિર્ણય કર્યો છે, જેના માટે બીજી પહેલ કરવામાં આવી છે.
આ પણ વાંચો- અંબાલાલ પટેલ અને હવામાન વિભાગે કરી આગાહી- ચિંતા તો કરવી જ પડશે
RBIએ KYCને લઈને મુખ્ય નિર્દેશો જારી કર્યા છે. RBIનો આ સુધારો મની લોન્ડરિંગ વિરોધી નિયમો, ગેરકાનૂની પ્રવૃત્તિઓ (પ્રિવેન્શન) એક્ટ (UAPA) અને સામૂહિક વિનાશના શસ્ત્રો અને તેમની ડિલિવરી સિસ્ટમ્સ (ગેરકાયદેસર પ્રવૃત્તિઓ પર પ્રતિબંધ) એક્ટ સાથે સંબંધિત સરકારની નવી સૂચનાઓ પછી આવ્યો છે.
રિઝર્વ બેંક ઓફ ઈન્ડિયા દ્વારા દેશભરમાં થઈ રહેલી ઓનલાઈન છેતરપિંડી અને છેતરપિંડી રોકવા માટે ઘણા પ્રકારના અભિયાન ચલાવવામાં આવી રહ્યા છે. આરબીઆઈએ ગ્રાહક ચકાસણી પ્રણાલીને વધુ મજબૂત બનાવવાનો નિર્ણય લીધો છે જેના માટે બીજી પહેલ કરવામાં આવી છે.
આ નવી પહેલ હેઠળ બેંકો અને નોન-બેંકિંગ ફાઇનાન્સ કંપનીઓને સમય સમય પર KYC સિસ્ટમ અપનાવવા માટે કહેવામાં આવે છે. સમીક્ષા પછી, સેન્ટ્રલ બેંકે KYC સંબંધિત ‘માસ્ટર’ માર્ગદર્શિકામાં સુધારો કર્યો છે. બેંકો, નોન-બેંકિંગ નાણાકીય કંપનીઓ (NBFC) અને આરબીઆઈના કાર્યક્ષેત્ર હેઠળની અન્ય સંસ્થાઓએ નિર્ધારિત પ્રક્રિયાઓ અનુસાર તેમના ગ્રાહકોની યોગ્ય કાળજી લેવી પડશે.
આ પણ વાંચો-થનગનતા ખેલૈયા માટે સરકારનો ટહુકા ભર્યો સાદ
રિઝર્વ બેંકે કહ્યું કે તેણે FATFની ભલામણો અનુસાર કેટલીક સૂચનાઓ પણ અપડેટ કરી છે. આરબીઆઈ દ્વારા જારી કરવામાં આવેલી મુખ્ય સૂચનાઓમાં કહેવામાં આવ્યું છે કે કેવાયસીના સમયાંતરે અપડેટ્સ માટે જોખમ આધારિત સિસ્ટમમાં ફેરફાર કરવામાં આવ્યો છે.
સેન્ટ્રલ બેંકના નિયમન હેઠળ આવતી તમામ બેંકોને એ કેવાયસીના સમયાંતરે અપડેટ્સ માટે ગ્રાહકો માટે સુરક્ષિત સિસ્ટમ અપનાવવી પડશે. ગ્રાહક તપાસના ભાગ રૂપે એકત્રિત કરવામાં આવેલી માહિતી સુરક્ષિત સાચવી રાખવામાં આવે છે તેની ખાતરી કરવી પડશે, ખાસ કરીને જ્યાં છેતરપિંડીનો ખતરો વધારે હોય છે.
બેંકના ગ્રાહકો એટલે કે તમે તમારી બેંક પાસે તમારા પૈસાની સુરક્ષાને લઈને શું સિસ્ટમ અપનાવવામાં આવી છે, તે અંગેની જાણકારી મેળવી શકો છો. આ જાણકારી તમને ઓનલાઈન છેતરપિંડીથી બચાવી શકે છે.
