પીએમ કિસાન યોજના : આ દિવસે ખેડૂતાના ખાતામાં પડશે રૂપિયા, જાણો તારીખ

PM Kisan : પીએમ કિસાન યોજના અંતર્ગત ખેડૂતોને વર્ષે 6 હજાર રૂપિયા આપવામાં આવે છે. આ રકમને 2 હજારના 3 હપ્તા રૂપે વિતરણ કરવામાં આવે છે. 15મો હપ્તો 15 નવેમ્બરે વડાપ્રધાન નરેન્દ્ર મોદી દ્વારા વિતરિત કરવામાં આવ્યો હતો.

આ પણ વાંચો – Free Jio WiFi, અનલિમિટેડ ઇન્ટરનેટ સાથે 13 OTT સબ્સક્રિપ્શન

PM Kisan : દેશના ખેડૂતો માટે સારા સમાચાર છે. અન્નદાતાના ખાતામાં પીએમ કિસાન સન્માન નિધિ યોજના (PM Kisan Samman Nidhi Yojana)નો 16મો હપ્તો ક્યારે જમા થશે તેની તારીખ આવી ગઈ છે. તમને જણાવી દઈએ કે પીએમ કિસાન વેબસાઈટ પર સત્તાવાર જાહેરાત અનુસાર કેન્દ્ર સરકાર ફેબ્રુઆરીના અંત સુધીમાં ખેડૂત ભાઈઓના ખાતામાં પીએમ કિસાન સન્માન નિધિ યોજનાનો 16મો હપ્તો જમા કરશે. વેબસાઈટ અનુસાર, સ્કીમના 16મા હપ્તાની રિલીઝની તારીખ 28 ફેબ્રુઆરી નક્કી કરવામાં આવી છે.

ખબરી ગુજરાતની WhatsApp Channelમાં જોડાવા માટે અહીં ટચ કરો

આ રીતે લાભાર્થીઓની યાદીમાં તમારું નામ તપાસો

1: PM કિસાન વેબસાઇટ પર જાઓ.

2 : લાભાર્થીની સૂચિ પર ક્લિક કરો.

3 : રાજ્ય, જિલ્લો, તાલુકો, બ્લોક અને ગામ જેવી વિગતો દાખલ કરો અને રિપોર્ટ પર ક્લિક કરો.

4 : આ પછી લાભાર્થીની યાદી પ્રદર્શિત થશે. આમાં, જો તમે લાભાર્થી છો, તો તમારી વિગતો દેખાશે.

વર્ષમાં ત્રણ વખત રકમ જમાં થાય છે

PM કિસાન હેઠળ, દેશભરના પાત્ર ખેડૂતોને વાર્ષિક ₹6,000 આપવામાં આવે છે, જે પ્રત્યેકને ₹2,000ના ત્રણ હપ્તામાં વહેંચવામાં આવે છે. વડાપ્રધાન નરેન્દ્ર મોદીએ 15 નવેમ્બરે 15મો હપ્તો વિતરિત કર્યો હતો. તે હપ્તા હેઠળ, ₹18,000 કરોડની રકમ 8 કરોડથી વધુ લાભાર્થી ખેડૂતો સુધી પહોંચી હતી. તમને જણાવી દઈએ કે પીએમ કિસાનની રકમ ખેડૂતોના ખાતામાં દર 4 મહિને જમા થાય છે.

ખબરી ગુજરાતના Facebook પેજને ફોલો કરવા અહીં ટચ કરો

કોણ છે પાત્ર

જેઓ પ્રધાનમંત્રી કિસાન સન્માન નિધિ યોજના માટે પાત્ર છે તેમાં એવા ખેડૂતોનો સમાવેશ થાય છે જેમના નામે ખેતીલાયક જમીન નોંધાયેલ છે. રાજ્ય અને કેન્દ્ર સરકારના કર્મચારીઓ, સંસ્થાકીય જમીન ધારકો, સેવા આપતા અથવા નિવૃત્ત અધિકારીઓ અને દર મહિને 10,000 રૂપિયાથી વધુ મેળવનારા પેન્શનરોને PM-કિસાન યોજનાના લાભોમાંથી મુક્તિ આપવામાં આવી છે.

પૈસા ન આવે તો શું કરવું

જો પ્રધાનમંત્રી કિસાન સન્માન નિધિ યોજના હેઠળ તમારા રજિસ્ટર્ડ ખાતામાં પૈસા ન મળે, તો તમે ટોલ ફ્રી નંબર – 155261, 1800115526 અથવા 011-23381092 પર કૉલ કરીને ફરિયાદ નોંધાવી શકો છો. તમે www. તમે pmkisan-ict@gov.in પર પણ ફરિયાદ નોંધાવી શકો છો.