Google Ad Sales: વિશ્વની અગ્રણી ટેક કંપની Google Incમાં ફરી એકવાર છટણીનો ખતરો મંડરાઈ રહ્યો છે. Google કંપનીએ આ વર્ષની શરૂઆતમાં જ લગભગ 12 હજાર કર્મચારીઓને બહારનો રસ્તો બતાવ્યો હતો. આ મોટા પગલા બાદ હવે Google તેના એડવર્ટાઈઝિંગ સેલ્સ યુનિટમાં પણ આ ફેરફારો કરવા જઈ રહ્યું છે. આ વિભાગમાં કુલ 30 હજાર કર્મચારીઓ કામ કરે છે.
ખબરી ગુજરાતની WhatsApp Channelમાં જોડાવા માટે અહીં ટચ કરો
સુંદર પિચાઈએ આ નિર્ણયને ખોટો ગણાવ્યો હતો
Googleના CEO Sundar Pichai દ્વારા એવું કહેવામાં આવ્યું હતું કે કંપનીએ છટણી પ્રક્રિયા યોગ્ય રીતે હાથ ધરી નથી. પરંતુ તેમણે છટણીને કંપનીના ભવિષ્ય માટે એક મહત્વપૂર્ણ પગલું ગણાવ્યું હતું.
Googleમાં શું નવું થવાનું જઈ રહ્યું છે?
પ્રાપ્ત માહિતી અનુસાર, ગયા અઠવાડિયે યોજાયેલી મીટિંગમાં, Google અમેરિકા અને ગ્લોબલ પાર્ટનર્સના પ્રમુખ સીન ડાઉની (Sean Downey)એ એડ સેલ્સ ટીમનું પુનર્ગઠન કરવાની યોજના વિશે જણાવ્યું હતું. પરંતુ તે જ બેઠક દરમિયાન તેમણે છટણીનો ઉલ્લેખ કર્યો ન હતો. પરંતુ કંપનીના કર્મચારીઓમાં આશંકાના વાદળો ઘેરાયા હતા.
ખબરી ગુજરાતના Facebook પેજને ફોલો કરવા અહીં ટચ કરો
પરંતુ છટણીનું કારણ શું હોઈ શકે?
વાસ્તવમાં Google આર્ટિફિશિયલ ઈન્ટેલિજન્સ (AI)માં સતત રોકાણ કરી રહ્યું છે. તે જ સમયે, કંપની એડ ખરીદીમાં મશીન લર્નિંગનો ઉપયોગ કરી રહી છે. આવી સ્થિતિમાં કર્મચારીઓમાં સતત ભયનો માહોલ જોવા મળી રહ્યો છે. ગૂગલે હજુ સુધી આ મુદ્દે કંઈ કહ્યું નથી.
આ પણ વાંચો: તેલંગાણામાં લાઇસન્સ વિનાની દવા બનાવવાની ફેક્ટરી પર દરોડા
છેલ્લી વખત કર્મચારીઓને કેમ કાઢી મૂકવામાં આવ્યા?
Googleની પેરેન્ટ કંપની Alphabetએ મંદીના ડરથી 12 હજાર લોકોને નોકરીમાંથી કાઢી મુક્યા છે. આ અંગે પિચાઈએ કહ્યું હતું કે અમે અસરગ્રસ્ત કર્મચારીઓને માહિતી આપવાની સાચી પદ્ધતિ અપનાવી નથી.
દેશ અને દુનિયાની અન્ય ઘટનાઓ વિશેની માહિતી માટે બન્યા રહો અમારી વેબસાઇટ www.khabrimedia.com પર.
