Dinesh Rathod, Gujarat, Khabri Media
AI Summit UK 2023:આર્ટિફિશિયલ ઇન્ટેલિજન્સ સમિટમાં ભારત અને યુરોપિયન યુનિયન સહિત અન્ય 27 દેશો આર્ટિફિશિયલ ઇન્ટેલિજન્સ સાથે સંકળાયેલા જોખમોનું મૂલ્યાંકન કરવા પ્લેટફોર્મ પર ભેગા થયા હતા. યુનાઇટેડ કિંગડમમાં એક બેઠક (Artificial intelligence Summit 2023) યોજાઇ હતી. જેમાં તમામ 27 દેશોએ સાથે મળીને કામ કરવાની પ્રતિજ્ઞા પર હસ્તાક્ષર કર્યા હતા.
ખબરી મીડિયાના Whatsapp ગ્રુપને ફોલો કરવા માટે tau.id/2iy6f લિંક પર ક્લિક કરો
ભારત અને યુરોપિયન યુનિયન સહિત 27 અન્ય દેશોએ યુનાઇટેડ કિંગડમમાં એક બેઠકમાં આર્ટિફિશિયલ ઇન્ટેલિજન્સ સાથે સંકળાયેલા જોખમોનું મૂલ્યાંકન કરવા સાથે મળીને કામ કરવાની પ્રતિજ્ઞા પર હસ્તાક્ષર કર્યા હતા.
સોશિયલ મીડિયા પ્લેટફોર્મ X પર યુનાઇટેડ કિંગડમના વડાપ્રધાન ઋષિ સુનકના કાર્યાલયના સત્તાવાર પેજે જણાવ્યું હતું કે, “અગ્રણી AI દેશો એઆઈ સુરક્ષા પર વિશ્વના પ્રથમ કરાર પર પહોંચ્યા છે.”
આ બેઠકમાં પ્રતિનિધિત્વ કરનારા દેશોમાં ભારત, જાપાન, નાઈજીરીયા, બ્રાઝિલ, સાઉદી અરેબિયા, ચિલી, ફ્રાન્સ, જર્મની, ઈન્ડોનેશિયા, ચીન, આયર્લેન્ડ, ઈઝરાયેલ, ઈટાલી, કેન્યા, કેનેડા, ઓસ્ટ્રેલિયા, નેધરલેન્ડ, ફિલિપાઈન્સ, રિપબ્લિક ઓફ કોરિયા, રવાન્ડા, સિંગાપોર, સ્પેન, સ્વિટ્ઝર્લેન્ડ, તુર્કી, યુક્રેન, યુનાઇટેડ આરબ અમીરાત, યુનાઇટેડ કિંગડમ ઓફ ગ્રેટ બ્રિટન અને ઉત્તરી આયર્લૅન્ડ, યુનાઇટેડ સ્ટેટ્સ અને યુરોપિયન યુનિયનનો સમાવેશ થાય છે.
યુકે સરકારે બુધવારે “ધ બેલેચલી ડિકલેરેશન ” નામનું એક નિવેદન બહાર પાડ્યું, જેમાં યુરોપિયન યુનિયન (EU) સહિત 28 સહભાગી દેશોના પ્રતિનિધિઓ દ્વારા હસ્તાક્ષર કરવામાં આવ્યા હતા.
અને અત્યંત અત્યાધુનિક “ફ્રન્ટિયર” આર્ટિફિશિયલ ઇન્ટેલિજન્સ સિસ્ટમ્સ દ્વારા રજૂ કરાયેલા જોખમો વિશેની ગંભીર ચેતવણી બહાર પાડવામાં આવી હતી. તેમાં કહેવામાં આવ્યું કે “બેલેચલી પાર્ક ઘોષણાપત્રમાં 28 દેશો અવસરો, જોખમો અને ફ્રંટિયર AI પર આંતરરાષ્ટ્રીય પગલાંની આવશ્યકતા પર સંમત છે. જે સિસ્ટમ સૌથી જરૂરીઅને ખતરનાક જોખમ ઊભું કરે છે.
આ પણ વાંચો: Chhattisgarh Election 2023: પીએમ મોદીનો કોંગ્રેસ પર પ્રહાર, કહ્યું…
બેલેચલી પાર્કની જાહેરાતમાં હાઉસિંગ, રોજગાર, પરિવહન, શિક્ષણ, આરોગ્ય, ઍક્સેસ, ન્યાય જેવા દૈનિક દિનચર્યાના વિવિધ ક્ષેત્રોમાં AI સિસ્ટમના મહત્વની પણ નોંધ લેવામાં આવી હતી. અને જણાવ્યું હતું કે તેમના ઉપયોગમાં વૃદ્ધિ થવાની સંભાવના છે.
યુનિયન ઇલેક્ટ્રોનિક્સ અને આઇટી રાજ્યમંત્રી રાજીવ ચંદ્રશેખરે બુધવારે યુકેમાં આર્ટિફિશિયલ ઇન્ટેલિજન્સ પર વિશ્વની પ્રથમ વૈશ્વિક સમિટમાં તેમના સંબોધનમાં જણાવ્યું હતું કે ભારત AI ને નિખાલસતા, સુરક્ષા, વિશ્વાસ અને જવાબદારીના ચશ્માથી જુએ છે.
