Rishabh Pant : દિલ્હી કેપિટલ્સને આ સિઝનમાં પોતાની ચોથી મેચમાં કોલકાત્તા નાઇટ રાઇડર્સ સામે 106 રને હારનો સામનો કરવો પડ્યો છે. આ મેચ બાદ દિલ્હી કેપિટલ્સના કેપ્ટનની મુશ્કેલીમાં વધારો થયો છે.
આ પણ વાંચો – 4 April 2024 : જાણો, આજનું રાશિફળ
Rishabh Pant : દિલ્હી કેપિટલ્સના કેપ્ટન ઋષભ પંતની મુશ્કેલી ઘટવાનું નામ જ નથી લઈ રહી. આઇપીએલ 2024માં દિલ્હી કેપિટલ્સની ટીમે આ સિઝનમાં અત્યાર સુધીમાં 4 મેચોમાંથી માત્ર એક મેચ જીતી શકી છે. જ્યારે 3 મેચોમાં હારનો સામનો કરવો પડ્યો છે. દિલ્હીનું કોલકાત્તા સામે ભારે શરમજનક પ્રદર્શન રહ્યું છે. આ મેચમે દિલ્હીને 106 રનોથી હાર મળી છે. બીજી બાજુ બીસીસીઆઈએ પંત પર મોટી કાર્યવાહી કરી છે.
ખબરી ગુજરાતની WhatsApp Channelમાં જોડાવા માટે અહીં ટચ કરો
ઋષભ પંતને ફટકાર્યો દંડ
સ્લો ઓવર રેટના કારણે BCCIએ રિષભ પંત સામે કાર્યવાહી કરી છે. આ સિઝનમાં આ બીજી વખત રિષભ પંતને સ્લો ઓવર રેટના કારણે દંડ ફટકારવામાં આવ્યો છે. આ વખતે BCCIએ તેને 24 લાખ રૂપિયાનો દંડ ફટકાર્યો છે. આ પહેલાની મેચમાં, ઋષભ પંત પર 12 લાખ રૂપિયાનો દંડ ફટકારવામાં આવ્યો હતો. પંતની કપ્તાનીમાં દિલ્હી આ બંને મેચોમાં નિયમિત સમયની અંદર 20 ઓવર પણ પૂરી કરી શકી ન હતી. તે જ સમયે, આ વખતે પંતની સાથે ટીમના અન્ય ખેલાડીઓ પર પણ 6 લાખ રૂપિયા અથવા મેચ ફીના 25%નો દંડ ફટકારવામાં આવ્યો છે.
પંત પર પ્રતિબંધનો ખતરો!
સ્લો ઓવર રેટના નિયમો અનુસાર જો આ ભૂલ પહેલીવાર થાય છે તો કેપ્ટનને માત્ર 12 લાખ રૂપિયાનો દંડ ફટકારવામાં આવે છે. જો સિઝનમાં બીજી વખત આ ભૂલ થાય છે તો કેપ્ટનને 24 લાખ રૂપિયાનો દંડ ફટકારવામાં આવે છે. ટીમના અન્ય ખેલાડીઓને પણ 6 લાખ રૂપિયા અથવા મેચ ફીના 25% દંડ ફટકારવામાં આવ્યો છે. ત્રીજી વખત આ ભૂલ કરવા પર, કેપ્ટન પર 30 લાખ રૂપિયાની સાથે એક મેચ માટે પ્રતિબંધિત છે, આ સાથે, ટીમના બાકીના ખેલાડીઓ પર 12-12 લાખ રૂપિયા અથવા તેના મેચ ફીના 50% દંડ છે. આવી સ્થિતિમાં પંત આ સિઝનમાં બે વખત આ ભૂલ કરી ચૂક્યો છે, જો તે વધુ એક વખત સ્લો ઓવર રેટમાં પકડાય તો તેના પર 1 મેચનો પ્રતિબંધ લાગી શકે છે.
ખબરી ગુજરાતના Facebook પેજને ફોલો કરવા અહીં ટચ કરો
દિલ્હી કેપિટલ્સે રાખવું પડશે ધ્યાન
સ્લો ઓવર રેટના નિયમ હેઠળ ટીમે 90 મિનિટમાં 20 ઓવર પૂરી કરવાની હોય છે. તમને જણાવી દઈએ કે, દિલ્હી કેપિટલ્સની ટીમે કોલકાતા નાઈટ રાઈડર્સ સામે 20 ઓવર નાખવામાં 2 કલાકનો સમય લીધો હતો. તે જ સમયે, CSK સામે ટીમ નિર્ધારિત સમય કરતાં 3 ઓવર પાછળ ચાલી રહી હતી. આ કારણોસર, છેલ્લી બે ઓવરમાં, ટીમે 4ને બદલે 5 ફિલ્ડરને 30-યાર્ડ સર્કલની અંદર રાખવા પડ્યા હતા.
KKR સામે શરમજનક હાર
કોલકાતા નાઈટ રાઈડર્સ સામે રમાયેલી મેચમાં દિલ્હીની ટીમને ખૂબ જ ખરાબ હારનો સામનો કરવો પડ્યો હતો. આ મેચમાં દિલ્હીએ પ્રથમ બોલિંગ કરતા 20 ઓવરમાં 272 રન આપ્યા હતા. આઈપીએલમાં કોઈપણ ટીમ સામે આ બીજો સૌથી મોટો સ્કોર છે. આ લક્ષ્યના જવાબમાં દિલ્હીના બેટ્સમેનો પણ ફ્લોપ રહ્યા હતા. દિલ્હીની ટીમ માત્ર 166 રનમાં ઓલઆઉટ થઈ ગઈ હતી.
