આ બેઠકમાં, સરકારે સ્પષ્ટપણે કહ્યું છે કે તે ડીપફેકને કારણે વપરાશકર્તાઓને થતા નુકસાનના મુદ્દે ઝીરો ટોલરન્સની નીતિ અપનાવશે. ઈલેક્ટ્રોનિક્સ અને આઈટી રાજ્ય મંત્રી રાજીવ ચંદ્રશેખરે એક નિવેદનમાં જણાવ્યું હતું કે સરકાર સોશિયલ મીડિયા મધ્યસ્થીઓ માટે એડવાઈઝરી જારી કરશે, જે ડીપફેક સામેના નિયમોનું 100 ટકા પાલન સુનિશ્ચિત કરશે.
સોશિયલ મીડિયાના જમાનામાં કોઈપણ ફોટો, વીડિયો કે સમાચાર સરળતાથી ફેલાઈ જાય છે. લોકો કન્ટેન્ટની બરાબર તપાસ પણ નથી કરતા કે તેમાં દર્શાવેલ તથ્યો સાચા છે કે ખોટા? હાલમાં ડીપફેકનો મુદ્દો પણ ખૂબ ચર્ચામાં છે. ત્યારે સરકાર આ ડીપફેક મુદ્દાને લઈને કઠિન પરિસ્થિતિમાં હોય તેવું લાગી રહ્યું છે. ડીપફેક્સના મુદ્દા સામે લડવા માટે સરકાર અને સોશિયલ મીડિયા પ્લેટફોર્મ વચ્ચે સમીક્ષા બેઠકનું આયોજન કરવામાં આવ્યું છે.
આ બેઠકમાં, સરકારે સ્પષ્ટપણે કહ્યું છે કે તે ડીપફેકને કારણે વપરાશકર્તાઓને થતા નુકસાનના મુદ્દે ઝીરો ટોલરન્સની નીતિ અપનાવશે. ઈલેક્ટ્રોનિક્સ અને આઈટી રાજ્ય મંત્રી રાજીવ ચંદ્રશેખરે એક નિવેદનમાં જણાવ્યું હતું કે સરકાર સોશિયલ મીડિયા મધ્યસ્થીઓ માટે એડવાઈઝરી જારી કરશે, જે ડીપફેક સામેના નિયમોનું 100 ટકા પાલન સુનિશ્ચિત કરશે.
ડીપફેક્સ એ સંપાદિત ફોટા, વિડિયો અને ઑડિયોનો એક પ્રકાર છે, જે આર્ટિફિશિયલ ઇન્ટેલિજન્સનો ઉપયોગ કરીને બનાવવામાં આવે છે. ડીપફેકમાં વ્યક્તિના ચહેરાને અન્ય વ્યક્તિના શરીર અથવા અવાજ સાથે જોડવાનો સમાવેશ થાય છે. તે એટલું મૂળ લાગે છે કે તમે કહી શકતા નથી કે ડુપ્લિકેટ સામગ્રી શું છે અને મૂળ શું છે.
