Weather Update: દેશભરમાં વધી રહેલી ઠંડી બાદ હવામાનનો મિજાજ બદલાવા લાગ્યો છે. ઘણા રાજ્યોમાં ગાઢ ધુમ્મસ જોવા મળી રહ્યું છે. ઉત્તર ભારતમાં ઠંડીમાં વધારો થયો છે, જ્યારે દક્ષિણમાં વરસાદ ચાલુ છે. હવામાન વિભાગના જણાવ્યા અનુસાર તમિલનાડુ, કેરળ અને લક્ષદ્વીપ, કર્ણાટકમાં વરસાદની સંભાવના છે. આ ઉપરાંત આગામી દિવસોમાં ઉત્તર પ્રદેશ અને બિહારમાં ગાઢ ધુમ્મસ રહેશે.
આ પણ વાંચો : Surat : યોજાશે જેમ્સ અને જ્વેલરી પર પ્રી-વાઇબ્રન્ટ સેમિનાર
હવામાન વિભાગના જણાવ્યા અનુસાર, દિલ્હી-NCRમાં વરસાદ બાદ તાપમાનમાં ઝડપથી ઘટાડો થશે. વેસ્ટર્ન ડિસ્ટબન્સ 11 ડિસેમ્બરથી ઉત્તર-પશ્ચિમ ભારતને અસર કરી શકે છે, ત્યારબાદ રાજધાનીમાં ઠંડા પવનની સંભવનાઓ છે. દિલ્હીની હવાની ગુણવત્તાની વાત કરીએ તો અહીંનો AQI હજુ ખરાબ કેટેગરીમાં છે.
ખબરી ગુજરાતની WhatsApp Channelમાં જોડાવા માટે અહીં ટચ કરો
0 અને 50 ની વચ્ચેનો AQI ‘સારી’ માનવામાં આવે છે, 51 અને 100 ની વચ્ચેનો AQI ‘સંતોષકારક’ છે, 101 અને 200 ‘મધ્યમ’ છે, 201 અને 300 ‘નબળી’ છે, 301 અને 400 ‘ખૂબ નબળી’ છે અને 401 અને 5 વચ્ચે છે. ‘ગંભીર’ શ્રેણીમાં ગણવામાં આવે છે.
મેદાની પ્રદેશોમાં વધશે ઠંડી
હવામાન વિભાગના જણાવ્યા અનુસાર, વેસ્ટર્ન ડિસ્ટર્બન્સ આગામી દિવસોમાં પશ્ચિમ હિમાલયન ક્ષેત્રને અસર કરશે, જેના પગલે જમ્મુ-કાશ્મીર, લદ્દાખ, ગિલગિટ, બાલ્ટિસ્તાન, મુઝફ્ફરાબાદ, હિમાચલ પ્રદેશ અને ઉત્તરાખંડમાં છૂટાછવાયા હિમવર્ષા અને વરસાદની સંભાવના છે. મેદાની વિસ્તારોમાં ઠંડીમાં વધારો થવાની સંભાવના છે.
આ પણ વાંચો : 10 December : જાણો, આજનો ઈતિહાસ
આ રાજ્યોમાં વરસાદની સંભાવના
સ્કાયમેટ વેધર અનુસાર આગામી 24 કલાકમાં તમિલનાડુ, કેરળ અને લક્ષદ્વીપમાં કેટલીક જગ્યાએ વરસાદની સંભાવના છે. આ ઉપરાંત કોસ્ટલ કર્ણાટક અને દક્ષિણ કર્ણાટકમાં પણ હળવાથી મધ્યમ વરસાદની શક્યતા છે. ઉપરાંત, પૂર્વોત્તર ભારત, આંદામાન અને નિકોબાર ટાપુઓ અને આંધ્રપ્રદેશમાં કેટલાક સ્થળોએ હળવો વરસાદ પડી શકે છે. પૂર્વી ઉત્તર પ્રદેશ, બિહાર અને ઉત્તરપૂર્વ ભારતમાં મધ્યમથી ગાઢ ધુમ્મસ થઈ શકે છે.
