Ram Mandir Pran Pratishtha : અયોધ્યા રામ મંદિરમાં ભગવાન રામ બિરાજમાન થઈ ગયા છે. આખો દેશ ભગવાન રામની પ્રાણ પ્રતિષ્ઠાની ઉજવણી કરી રહ્યો છે. અયોધ્યા રામ મંદિરને ફૂલો અને રોશનીથી સજાવવામાં આવ્યું છે. રામ મંદિરનું નિર્માણ સંપૂર્ણ રીતે રામભક્તોએ આપેલા દાનથી થયું છે.
આ પણ વાંચો : રામ મંદિરમાં દેશના દરેક રાજ્યનું યોગદાન, જાણો ક્યાંથી શું આવ્યું?
Ram Mandir Pran Pratishtha : રામ મંદિર નિર્માણમાં કોઈપણ સરકાર પાસેથી એક પણ પૈસાની સહાય લેવામાં આવી નથી. મંદિર સંપૂર્ણ રીતે ભક્તો દ્વારા દાનમાં આપવામાં આવેલા પૈસાથી બનાવવામાં આવી રહ્યું છે. રામ મંદિરના નિર્માણ માટે દાતાઓની યાદી ઘણી લાંબી છે. પરંતુ એક વ્યક્તિ એવી છે જેણે દાનના મામલામાં અમીર લોકોને ખૂબ પાછળ છોડી દીધા છે. આવો, આજે અમે તમને રામ મંદિર માટે સૌથી વધુ દાન આપનાર વ્યક્તિ વિશે જણાવીએ.
ખબરી ગુજરાતની WhatsApp Channelમાં જોડાવા માટે અહીં ટચ કરો
ગુજરાતના પરિવારે આપ્યું 101 કિલો સોનું
તમને જણાવી દઈએ કે સુરતના હીરા વેપારી લાઠીના પરિવારે (Lathi Parivar) અયોધ્યાના શ્રી રામ જન્મભૂમિ મંદિર માટે 101 કિલો સોનું દાન (Suvarna Daan) કર્યું છે. સુરતના મોટા હીરા ઉદ્યોગપતિઓમાં દિલીપ કુમારનો (Dilip Kumar) સમાવેશ થાય છે, જેમણે લાઠી પરિવાર વતી 101 કિલો સોનું દાન કરવામાં આવ્યું છે, જેનો ઉપયોગ અયોધ્યા રામ મંદિરના દરવાજાને સોનાથી મઢવા માટે કરવામાં આવી રહ્યો છે. આ દાન રામ મંદિર ટ્રસ્ટને અત્યાર સુધીનું સૌથી મોટું દાન છે. આ 101 કિલો સોનાનો ઉપયોગ કરીને રામ મંદિરના દરવાજા, ગર્ભગૃહ, ત્રિશૂળ, ડમરુ અને સ્તંભોને પોલિશ કરવાનું કામ કરવામાં આવશે.
ખબરી ગુજરાતના Facebook પેજને ફોલો કરવા અહીં ટચ કરો
આશરે 68 કરોડનું કર્યું દાન
હાલ સોનાની કિંમત 68 હજાર રૂપિયા પ્રતિ 10 ગ્રામની આસપાસ છે. જેથી એક કિલો સોનાની કિંમત અંદાજે 68 લાખ રૂપિયા છે અને 101 કિલો સોનાની કુલ કિંમત 68 કરોડ રૂપિયા હશે. આ રીતે લાઠી પરિવારે રામ મંદિર માટે સૌથી મોટું દાન આપ્યું છે. રામ મંદિરના બીજા સૌથી મોટા દાતામાં કથાકાર મોરારી બાપુનું (Morari Bapu) નામ સામેલ છે, જેમણે રામ મંદિર માટે 11.3 કરોડ રૂપિયાનું દાન આપ્યું છે. અમેરિકા, કેનેડા અને બ્રિટનમાં બેઠેલા તેમના રામભક્ત અનુયાયીઓ પણ 8 કરોડ રૂપિયા અલગથી દાનમાં આપી ચૂક્યા છે. આ સાથે જ ગુજરાતના હીરા ઉદ્યોગપતિ ગોવિંદભાઈ ધોળકિયાએ રામ મંદિરના નિર્માણ માટે 11 કરોડ રૂપિયાનું દાન આપ્યું છે. તમને જણાવી દઈએ કે ગોવિંદભાઈ ધોળકિયા ડાયમંડ કંપની શ્રીરામકૃષ્ણ એક્સપોર્ટ્સના માલિક છે.
આ પણ વાંચો : તારીખ પહેલા ડિલવરી માટે પ્રેગ્નેન્ટ મહિલાઓનો ધસારો, જાણો શું છે કારણ
કયા મંદિરે સૌથી વધુ દાન આપ્યું?
રામ મંદિર માટે દાન આપવામાં મંદિરો પણ પાછળ નથી. તમને જણાવી દઈએ કે પટનાનું મહાવીર મંદિર વિશ્વના સૌથી વધુ દાન આપનારા મંદિરોમાં ટોચ પર છે. પટનાના મહાવીર મંદિરે અયોધ્યા રામ મંદિરના નિર્માણ માટે 10 કરોડ રૂપિયાનું દાન આપ્યું છે. તમને જણાવી દઈએ કે બિહાર રાજ્ય ધાર્મિક ટ્રસ્ટ બોર્ડના અધ્યક્ષ આચાર્ય કિશોર કુણાલે રામ મંદિરના પક્ષમાં સુપ્રીમ કોર્ટનો નિર્ણય આવતાની સાથે જ મહાવીર મંદિર વતી રામ મંદિરના નિર્માણ માટે 10 કરોડ રૂપિયાનું યોગદાન આપવાની જાહેરાત કરી હતી.
