ISRO News : ભારત અવકાશ ક્ષેત્રે પણ પોતાની જાતને સતત મજબૂત કરી રહ્યું છે. આ વર્ષે દેશે ચંદ્રયાન 3 ની સિદ્ધિ હાંસલ કરી છે. હવે ઈસરો (ISRO)ના વડા શ્રીધર સોમનાથે (S Somnath) વધુ એક મહત્વકાંક્ષી કાર્યક્રમની જાહેરાત કરી છે. ઈસરો (ISRO)ના ચીફે કહ્યું છે કે ભારત આગામી પાંચ વર્ષમાં આવા 50 ઉપગ્રહો લોન્ચ કરશે જે ગુપ્ત માહિતી એકત્ર કરવામાં સક્ષમ હશે.
આ પણ વાંચો : રેલવે સ્ટેશન બાદ હવે અયોધ્યા એરપોર્ટનું નામ બદલવામાં આવ્યું
વર્ષ 2023ને યાદ રાખવાના ઘણા કારણો જવાબદાર છે. પરંતુ આ વર્ષે બનેલી સૌથી મહત્વપૂર્ણ ઘટનાઓમાંની એક ચંદ્રયાન 3નું લોન્ચિંગ હતું. આ માટે, ISRO (ઇન્ડિયન સ્પેસ રિસર્ચ ઓર્ગેનાઇઝેશન) એટલે કે ભારતીય અવકાશ સંશોધનની ખૂબ પ્રશંસા કરવામાં આવી હતી. હવે વર્ષના અંતમાં ઈસરોએ વધુ એક મહત્વની જાહેરાત કરી છે.
ખબરી ગુજરાતની WhatsApp Channelમાં જોડાવા માટે અહીં ટચ કરો
ઈસરોના અધ્યક્ષ શ્રીધર સોમનાથે કહ્યું છે કે ભારત આગામી પાંચ વર્ષમાં 50 ઉપગ્રહો લોન્ચ કરશે. આ ઉપગ્રહો દ્વારા જિયો ઈન્ટેલિજન્સ એકત્રિત કરવામાં આવશે. સરળ ભાષામાં, આ ઉપગ્રહો ભારતને ગુપ્ત માહિતી એકત્ર કરવામાં મદદ કરશે.
ઈસરોના ચીફના જણાવ્યા અનુસાર ઉપગ્રહોને અલગ-અલગ ભ્રમણકક્ષામાં મૂકવામાં આવશે. તેની મદદથી હજારો કિલોમીટરની ત્રિજ્યામાં સેનાની ગતિવિધિઓ અને તસવીરો જોઈ શકાય છે. એસ સોમનાથે IIT બોમ્બેના ટેકફેસ્ટમાં ભાગ લીધો હતો.. ટેકફેસ્ટ એ આઇઆઇટી બોમ્બે દ્વારા દર વર્ષે આયોજિત સાયન્સ એન્ડ ટેક્નિકલ ઇવેન્ટ છે.
ખબરી ગુજરાતના Facebook પેજને ફોલો કરવા અહીં ટચ કરો
ઈસરોના અધ્યક્ષે કહ્યું કે ભારતનો વર્તમાન ઉપગ્રહનો કાફલો એક મજબૂત દેશ તરીકે ઉભરવા માટે પૂરતો નથી. ઈસરોના વડાએ કહ્યું કે ઉપગ્રહોની સંખ્યામાં દસ ગણો વધારો કરવાની જરૂર છે જેથી કરીને આર્ટિફિશિયલ ઈન્ટેલિજન્સની મદદથી ડેટાનો અભ્યાસ કરી શકાય. આ ઉપરાંત સ્પેસક્રાફ્ટને લઈ ઈસરોના વડાએ કહ્યું કે તે પડોશી દેશો વિશે પણ માહિતી એકત્ર કરવામાં સક્ષમ છે.
આગામી પાંચ વર્ષમાં આપણને કેવા પ્રકારના ઉપગ્રહની જરૂર છે તેને લઈ ઇસરોએ પહેલાથી જ સંશોધન કરી લીધુ છે. આગામી પાંચ વર્ષમાં ભારતીય અવકાશ સંશોધનનો પ્રયાસ તેમને એક પછી એક સ્થાપિત કરવાનો રહેશે. એસ. સોમનાથે કહ્યું કે જો ભારત આટલા મોટા પાયા પર સેટેલાઇટ લોન્ચ કરે તો દેશ તેના ઘણા જોખમોને ઘટાડી શકે છે.
આ પણ વાંચો : 29 December : જાણો, આજનો ઈતિહાસ
ભારત પાસે હાલમાં 54 ઉપગ્રહોનો કાફલો છે. સોમનાથે કહ્યું કે તે ઓછામાં ઓછો દસ ગણો હોવો જોઈએ. આ રીતે ઈસરોના વડાએ કહ્યું કે ભારતને લગભગ 550 ઉપગ્રહોનો કાફલો તૈયાર કરવાની જરૂર છે. તો જ ભારત પોતાના પર યોગ્ય રીતે નજર રાખી શકશે.
