Shapoorji Pallonji Group: શાપૂરજી પલોનજી ગ્રુપ ઓડિશાના ગોપાલપુર પોર્ટમાં 56 ટકા હિસ્સો ધરાવે છે અને 39 ટકા હિસ્સો ઓડિશા સ્ટીવેડોર્સ પાસે છે. આ સોદા બાદ અદાણી પાસે 95 ટકા માલિકી હક્ક હશે.
Shapoorji Pallonji Group: અદાણી ગ્રૂપની માલિકીની કંપની અદાણી પોર્ટ્સે ઓડિશાના ગોપાલપુર પોર્ટને ખરીદવાની તૈયારી કરી છે. આ પોર્ટનો 56 ટકા હિસ્સો રિયલ એસ્ટેટ ગ્રુપ શાપૂરજી પલોનજી ગ્રુપ પાસે છે, જેને અદાણી પોર્ટ ખરીદવા જઈ રહ્યું છે. આ સિવાય ઓરિસ્સા સ્ટીવેડોર્સ પાસેથી 39 ટકા હિસ્સો ખરીદવામાં આવશે. આ પછી અદાણી પોર્ટ્સ પાસે ગોપાલપુર પોર્ટની 95 ટકા માલિકી રહેશે. આ ડીલની ઇક્વિટી વેલ્યુ 1349 કરોડ રૂપિયા હશે. આ ડીલ પાછળ અંદાજે 3080 કરોડ રૂપિયાનો ખર્ચ થશે.
ખબરી ગુજરાતની WhatsApp Channelમાં જોડાવા માટે અહીં ટચ કરો
અદાણી પોર્ટ્સ 12 પોર્ટનું સંચાલન કરે છે
અદાણી પોર્ટ્સના એમડી કરણ અદાણીએ જણાવ્યું હતું કે ગોપાલપુર પોર્ટની મદદથી અમારી કંપનીની કામગીરીને વધુ મજબૂત બનાવવામાં અમને ઘણી મદદ મળશે. આનાથી અદાણી પોર્ટ્સની કાર્ગો પરિવહન ક્ષમતામાં વધુ વધારો થશે. હાલમાં આ બંદર પર આયર્ન ઓર, કોલસો, લાઈમસ્ટોન, ઈલ્મેનાઈટ અને એલ્યુમિનાનું પરિવહન થાય છે. અદાણી પોર્ટ્સ અને સ્પેશિયલ ઈકોનોમિક ઝોન (APSEZ) હાલમાં દેશના પશ્ચિમ અને પૂર્વીય દરિયાકાંઠે 12 બંદરો અને ટર્મિનલ્સનું સંચાલન કરે છે.
ખબરી ગુજરાતના Facebook પેજને ફોલો કરવા અહીં ટચ કરો
બે પોર્ટ વેચ્યા છે
શાપૂરજી પલોનજી ગ્રુપે ગોપાલપુર પોર્ટ ગૌતમ અદાણીના નેતૃત્વ હેઠળના અદાણી ગ્રુપને સોંપવાનો નિર્ણય કર્યો છે. છેલ્લા કેટલાક મહિનામાં આ બીજું પોર્ટ છે જે જૂથે વેચ્યું છે. રિયલ એસ્ટેટ ક્ષેત્રની દિગ્ગજ કંપનીએ અગાઉ ધરમતર પોર્ટ JSW ઈન્ફ્રાસ્ટ્રક્ચરને આપવાનો નિર્ણય કર્યો હતો. આ ડીલ 710 કરોડ રૂપિયામાં થઈ હતી. 2017માં શાપુરજી પલોનજી ગ્રુપ દ્વારા ગોપાલપુર પોર્ટનો કબજો લેવામાં આવ્યો હતો.
ગ્રુપ રિયલ એસ્ટેટ બિઝનેસ પર ધ્યાન કેન્દ્રિત કરવા માંગે છે કંપનીના પ્રવક્તાએ મની કંટ્રોલને જાણ કરી છે કે ગોપાલપુર પોર્ટ અને ધરમતર પોર્ટનું વેચાણ કરીને, શાપૂરજી પલોનજી ગ્રુપ તેના બિઝનેસ પ્રોજેક્ટના વિકાસ અને બાંધકામ પર ધ્યાન કેન્દ્રિત કરવા માંગે છે. આનાથી અમારા હિતધારકોનું મૂલ્ય વધશે. તેમજ અમે અમારા રિયલ એસ્ટેટ બિઝનેસને આગળ લઈ જઈ શકીશું.
