AAP અને કોંગ્રેસ વચ્ચે પણ ગઠબંધન બનતું જણાય છે. પ્રાપ્ત માહિતી અનુસાર દિલ્હીમાં 4/3ની ફોર્મ્યુલા પર ચૂંટણી લડવામાં આવશે. જો આમ આદમી પાર્ટી દિલ્હી, નવી દિલ્હી, દક્ષિણ દિલ્હી, પશ્ચિમ દિલ્હી અને ઉત્તર-પશ્ચિમ દિલ્હીની ચાર બેઠકો પર ચૂંટણી લડશે, તો કોંગ્રેસને પૂર્વ દિલ્હી, ઉત્તર-પૂર્વ અને ચાંદની ચોક બેઠકો પર ચૂંટણી લડવાની તક મળશે.
ખબરી ગુજરાતની WhatsApp Channelમાં જોડાવા માટે અહીં ટચ કરો
ઉત્તર પ્રદેશમાં સમાજવાદી પાર્ટી અને કોંગ્રેસ વચ્ચે ગઠબંધન થયા બાદ હવે આમ આદમી પાર્ટી (AAP) અને કોંગ્રેસ વચ્ચે પણ ગઠબંધન થતું જોવા મળી રહ્યું છે. ખાસ વાત એ છે કે આ ગઠબંધન માત્ર દિલ્હી પુરતું સીમિત નહીં રહે પરંતુ બંને પાર્ટીઓ ગુજરાત, ગોવા, હરિયાણા અને ચંદીગઢમાં પણ સાથે ચૂંટણી લડશે. પંજાબમાં બંને પક્ષો પરસ્પર સહમતિથી અલગ-અલગ ચૂંટણી લડશે.
આને કહેવાય જુગાડ ! શ્રીલંકાએ દેવું ચૂકવવાનો અનોખો રસ્તો
સૂત્રોના જણાવ્યા અનુસાર બંને પક્ષો વચ્ચે થયેલી સમજૂતી મુજબ દિલ્હીમાં 4/3 ફોર્મ્યુલા પર ચૂંટણી લડવામાં આવશે. જો આમ આદમી પાર્ટી દિલ્હી, નવી દિલ્હી, દક્ષિણ દિલ્હી, પશ્ચિમ દિલ્હી અને ઉત્તર-પશ્ચિમ દિલ્હીની ચાર બેઠકો પર ચૂંટણી લડશે, તો કોંગ્રેસને પૂર્વ દિલ્હી, ઉત્તર-પૂર્વ અને ચાંદની ચોક બેઠકો પર ચૂંટણી લડવાની તક મળશે.
ખબરી ગુજરાતના Facebook પેજને ફોલો કરવા અહીં ટચ કરો
સૂત્રોના જણાવ્યા અનુસાર AAPએ સ્પષ્ટ કર્યું હતું કે માત્ર દિલ્હીમાં જ ગઠબંધન નહીં થાય. આ અન્ય રાજ્યોમાં (જ્યાં AAPનો પણ પ્રભાવ છે) કરવું પડશે. જે બાદ ગુજરાતમાં બે અને હરિયાણામાં એક સીટ AAPને આપવા પર સહમતિ બની હતી. AAP ગુજરાતની ભરૂચ અને ભાવનગર બેઠકો પર ચૂંટણી લડશે. આ સિવાય હરિયાણાની એક સીટ પણ AAP પાસે આવશે.
પંજાબમાં બંને પક્ષો અલગ-અલગ ચૂંટણી લડશે. આ અંગે બંને પક્ષો વચ્ચે પહેલાથી જ સમજૂતી થઈ હતી. વાસ્તવમાં, બંને પક્ષોને લાગે છે કે પંજાબમાં AAP સત્તામાં છે અને કોંગ્રેસ મુખ્ય વિરોધ પક્ષ છે. આવી સ્થિતિમાં અલગથી ચૂંટણી લડવી સારી રહેશે.
