વર્ષોથી, વૈજ્ઞાનિકો પૃથ્વી પર જીવનની શરૂઆત વિશે જુદા જુદા દાવાઓ કરી રહ્યા છે. જો કે હજુ સુધી કોઈ નક્કર માહિતી મળી નથી.નવા સંશોધનમાં દાવો કરવામાં આવી રહ્યો છે કે કેનેડાથી જીવનની શરૂઆતના સંકેતો મળી રહ્યા છે.
ખબરી ગુજરાતની WhatsApp Channelમાં જોડાવા માટે અહીં ટચ કરો
પૃથ્વી પર જીવન કેવી રીતે અને ક્યારે શરૂ થયું? આ પ્રશ્નના જવાબને લઈને સર્વત્ર વૈચારિક મતભેદ છે. વૈજ્ઞાનિકોથી લઈને શાસ્ત્રો સુધી ક્યાંય પણ આ અંગે કોઈ નક્કર જવાબ નથી. આ જ કારણ છે કે વિશ્વભરના વૈજ્ઞાનિકો આ અંગે સતત સંશોધન કરી રહ્યા છે. એક નવા અભ્યાસમાં વૈજ્ઞાનિકોએ દાવો કર્યો છે કે કેનેડાનું લાસ્ટ ચાન્સ લેક પૃથ્વી પર જીવનની શરૂઆતના સંકેત આપે છે. આજે અમે તમને જણાવીશું કે પૃથ્વી પર જીવનની શરૂઆતને લઈને વૈજ્ઞાનિકો દ્વારા કયા નવા દાવા કરવામાં આવ્યા છે.
આને કહેવાય જુગાડ ! શ્રીલંકાએ દેવું ચૂકવવાનો અનોખો રસ્તો
પ્રોફેસરે શું કહ્યું?
વોશિંગ્ટન યુનિવર્સિટીના પ્રોફેસર કેટલિંગે કહ્યું કે તેમના સાથીદારોને એવી સ્થિતિ મળી છે કે જેનાથી તેઓ જીવનની શરૂઆતના સંકેતો મેળવી શકે છે. તેઓ માને છે કે આ તે સ્થાન હોઈ શકે છે જ્યાં જીવનની શરૂઆત થઈ હતી. તમને જણાવી દઈએ કે રિસર્ચ ટીમે 1990ના એક રિપોર્ટના આધારે અહીં અભ્યાસ શરૂ કર્યો હતો, તે રિસર્ચ રિપોર્ટમાં ફોસ્ફેટની પુષ્કળ માત્રા મળવાની જાણકારી આપવામાં આવી હતી.
ખબરી ગુજરાતના Facebook પેજને ફોલો કરવા અહીં ટચ કરો
લાસ્ટ ચાન્સ લેક
તમને જણાવી દઈએ કે લાસ્ટ ચાન્સ લેક માત્ર એક ફૂટ ઊંડું છે. પરંતુ તેમાં ફોસ્ફેટ ખૂબ વધારે માત્રામાં હોય છે. પૃથ્વી પરના અન્ય કોઈ તળાવમાં આટલું ફોસ્ફેટ નથી. ફોસ્ફેટને જીવન ટકાવી રાખતા મૂળભૂત પદાર્થોનું મુખ્ય તત્વ ગણવામાં આવે છે. ફોસ્ફેટ એ આરએનએ, ડીએનએ અને એટીપીમાં પણ મુખ્ય તત્વ છે, જે જીવનના તમામ સ્વરૂપોની ઊર્જા માટે જરૂરી પરમાણુ છે. અન્ય કોઈ પણ મહાસાગર કે સરોવર કરતાં અહીં ફોસ્ફેટ હજાર ગણું વધારે હતું. ,
