Cricket News : રોહિત શર્મા અને વિરાટ કોહલીની ટી-20 ટીમમાં વાપસી થઈ છે. હાર્દિક પંડ્યાની ઈજા પણ આ ખેલાડીઓની વાપસીનું કારણ બની છે.
આ પણ વાંચો : અમદાવાદમાં આંતરરાષ્ટ્રીય પતંગ મહોત્સવ 2024નો પ્રારંભ
Cricket News : રોહિત શર્મા અને વિરાટ કોહલીને 14 મહિનાના લાંબા અંતરાલ બાદ T20 ફોર્મેટ (T20 Formet) માટે ટીમ ઈન્ડિયામાં એન્ટ્રી મળી છે. આ વર્ષના T20 વર્લ્ડ કપના છ મહિના પહેલા રોહિત શર્મા (Rohit Sharma) અને વિરાટ કોહલીની (Virat Kohali) વાપસીના ઘણા અર્થ કાઢવામાં આવી રહ્યા છે. સવાલ એ પણ ઉઠી રહ્યો છે કે 14 મહિના સુધી યુવા ખેલાડીઓને અજમાવવા છતાં પણ પસંદગીકારો રોહિત શર્મા અને વિરાટ કોહલીને કેમ આગળ વધારી શક્યા નથી. આ સાથે એ પણ લગભગ સ્પષ્ટ થઈ ગયું છે કે રોહિત શર્મા T20 વર્લ્ડ કપમાં ટીમ ઈન્ડિયાની કમાન સંભાળતો જોવા મળશે. એટલું જ નહીં ટી20 વર્લ્ડ કપમાં (T20 World Cup) વિરાટ કોહલી ભારતના ટોપ ઓર્ડરનો મહત્વનો ભાગ હશે.
ખબરી ગુજરાતની WhatsApp Channelમાં જોડાવા માટે અહીં ટચ કરો
2021 અને 2022ના T20 વર્લ્ડ કપમાં ટીમ ઈન્ડિયાનું (Team India) પ્રદર્શન ખૂબ જ નિરાશાજનક હતું. 2021માં ટીમ ઈન્ડિયા પહેલા રાઉન્ડમાં જ બહાર થઈ ગઈ હતી અને ખરાબ પ્રદર્શનનો દોષનો ટોપલો વિરાટ કોહલી પર ઢોળવામાં આવ્યો હતો. ખરાબ પ્રદર્શનને કારણે વિરાટ કોહલીએ લિમિટેડ ઓવરોની કેપ્ટનશિપ ગુમાવી દીધી હતી. પસંદગીકારોએ 2022માં રોહિત શર્માને અજમાવ્યો હતો. પરંતુ ટીમ ઈન્ડિયાની સફર સેમીફાઈનલથી આગળ વધી શકી નથી. આ પછી, આ બંને ખેલાડીઓને આગામી 14 મહિના માટે T20 ફોર્મેટમાંથી બહાર રાખવામાં આવ્યા હતા.
ખબરી ગુજરાતના Facebook પેજને ફોલો કરવા અહીં ટચ કરો
પરંતુ હાર્દિક પંડ્યા (Hardik Pandya) અને સૂર્યકુમાર યાદવની ઈજાને કારણે પસંદગીકારોને રોહિત શર્મા અને વિરાટ કોહલી પર પાછા જવાની ફરજ પડી હતી. હાર્દિક પંડ્યા અને સૂર્યકુમાર યાદવ (Surya Kumar Yadav) IPL સુધી ફિટ રહે તેવી શક્યતા છે. જોકે, હવે એ સ્પષ્ટ થઈ ગયું છે કે પસંદગીકારો આ બંને ખેલાડીઓને વધુ એક તક આપવા માંગે છે.
રોહિત શર્મા અને વિરાટ કોહલીને T20માં તક મળવાનું એક કારણ ODI વર્લ્ડ કપમાં ટીમ ઈન્ડિયાનું શાનદાર પ્રદર્શન હતું. રોહિત શર્માએ ન માત્ર ટીમને શાનદાર રીતે કમાન્ડ કરી હતી પરંતુ ઓપનર તરીકે તેનું પ્રદર્શન પણ શાનદાર હતું. રોહિત શર્માએ લગભગ દરેક મેચમાં ટીમને શાનદાર શરૂઆત અપાવી હતી. જેનો ફાયદો એ થયો કે વિરોધી ટીમ બેકફૂટ પર ચાલી ગઈ અને અન્ય બેટ્સમેનો વર્ચસ્વ જમાવવામાં સફળ રહ્યા.
આ પણ વાંચો : Junagadh: ગિરનાર આરોહણ-અવરોહણ સ્પર્ધા 2024, 1137 સ્પર્ધકોએ મુકી હતી દોટ
તે જ સમયે, વિરાટ કોહલીએ દરેક મેચમાં ટીમને બલેન્સ રાખી હતી. વિરાટ કોહલી એન્કરની ભૂમિકામાં હિટ સાબિત થયો અને તેણે ટૂર્નામેન્ટમાં 700થી વધુ રન બનાવ્યા. આ સિવાય છેલ્લા 1.5 વર્ષમાં વિરાટ કોહલીએ દરેક ફોર્મેટમાં શાનદાર પ્રદર્શન કર્યું છે. રોહિત શર્માને યાદ કરતા પસંદગીકારો વિરાટ કોહલીની અવગણના કરી શક્યા નથી. હવે 17 વર્ષ બાદ ટીમ ઈન્ડિયાને ચેમ્પિયન બનાવવાની જવાબદારી રોહિત શર્મા અને વિરાટ કોહલીના ખભા પર આવવાની છે.
