Onion price: ઉપભોક્તા બાબતોના સચિવ રોહિત કુમાર સિંઘે આજે જણાવ્યું હતું કે સરકારને અપેક્ષા છે કે જાન્યુઆરી 2024 સુધીમાં ડુંગળીના ભાવ હાલના રૂ. 57.02 પ્રતિ કિલોથી ઘટીને રૂ. 40 પ્રતિ કિલોની નીચે આવી જશે. ગયા અઠવાડિયે જ સરકારે ડુંગળીના ભાવને અંકુશમાં રાખવા અને દેશમાં પર્યાપ્ત સ્ટોક જાળવવા ડુંગળીની નિકાસ પર પ્રતિબંધ મૂક્યો હતો.
ખબરી ગુજરાતની WhatsApp Channelમાં જોડાવા માટે અહીં ટચ કરો
દેશમાં ટૂંક સમયમાં ડુંગળી સસ્તી થવા જઈ રહી છે. ઉપભોક્તા બાબતોના સચિવ રોહિત કુમાર સિંઘે આજે જણાવ્યું હતું કે સરકારને અપેક્ષા છે કે જાન્યુઆરી 2024 સુધીમાં ડુંગળીના ભાવ પ્રતિ કિલોગ્રામના વર્તમાન સરેરાશ ભાવ રૂ. 57.02થી ઘટીને રૂ. 40થી નીચે આવી જશે.
સરકારે ડુંગળીની નિકાસ પર લગાવી દીધો છે પ્રતિબંધ
તમને જણાવી દઈએ કે ગયા અઠવાડિયે જ સરકારે ડુંગળીના ભાવને અંકુશમાં રાખવા અને દેશમાં પૂરતી ઉપલબ્ધતા જાળવી રાખવા માટે 31 માર્ચ 2024 સુધી ડુંગળીની નિકાસ પર પ્રતિબંધ મૂક્યો છે.
સરકાર તરફથી આ નિર્ણય ત્યારે આવ્યો છે જ્યારે દિલ્હીમાં ડુંગળીની છૂટક વેચાણ કિંમત 80 રૂપિયા પ્રતિ કિલોને પાર થઈ ગઈ હતી. અને મંડીઓમાં ડુંગળીના ભાવ 60 રૂપિયા પ્રતિ કિલોની આસપાસ હતા.
નિકાસ પ્રતિબંધથી ખેડૂતોને કોઈ અસર નહીં થાય
ઉપભોક્તા બાબતોના સચિવ રોહિત કુમાર સિંહે કહ્યું કે ડુંગળીની નિકાસ પર પ્રતિબંધ મૂકવાના નિર્ણયથી ખેડૂતોને કોઈ અસર થશે નહીં.
આંકડાઓ શું કહે છે?
કન્ઝ્યુમર પ્રાઇસ ઇન્ડેક્સ (CPI) પર આધારિત ડુંગળીનો ફુગાવો જુલાઈ મહિનામાં ડબલ ડિજિટમાં રહ્યો હતો, જે ઑક્ટોબર મહિનામાં વધીને 42.1 ટકાની ચાર વર્ષની ઊંચી સપાટીએ પહોંચ્યો હતો.
ડેટા અનુસાર, આ નાણાકીય વર્ષમાં 1 એપ્રિલથી 4 ઓગસ્ટ વચ્ચે દેશમાંથી 9.75 લાખ ટન ડુંગળીની નિકાસ કરવામાં આવી છે. જો આપણે મૂલ્યની વાત કરીએ તો, બાંગ્લાદેશ, મલેશિયા અને UAE એ ટોચના ત્રણ દેશો છે જેણે ભારતમાંથી ડુંગળીની આયાત કરી છે.
ખબરી ગુજરાતના Facebook પેજને ફોલો કરવા અહીં ટચ કરો
ડુંગળીના ભાવ ધીમે ધીમે વધી રહ્યા હતા
વર્તમાન ખરીફ સિઝનમાં અછતના અહેવાલો વચ્ચે ડુંગળીના ભાવ વધવા લાગ્યા છે. નિકાસ પર પ્રતિબંધ લાદતા પહેલા, કેન્દ્ર સરકારે ઓક્ટોબરમાં લોકોને રાહત આપવા માટે છૂટક બજારોમાં પ્રતિ કિલો રૂ. 25ના રાહત દરે બફર ડુંગળીના સ્ટોકનું વેચાણ વધારવાનો નિર્ણય લીધો હતો.
આ પણ વાંચો: Sukhdev Gogamediના હત્યારાઓ પોલીસને આ રીતે આપતા રહ્યા ચકમો
નિકાસ પ્રતિબંધ સિવાય સરકારે આ નિર્ણયો લીધા છે
દેશમાં ડુંગળીના ભાવને અંકુશમાં રાખવા માટે, સરકારે નિકાસ પ્રતિબંધ પહેલા જ ઘણા પગલાં લીધાં છે, જેમ કે આ વર્ષે 28 ઓક્ટોબરથી 31 ડિસેમ્બર સુધી ડુંગળીની નિકાસ પર પ્રતિ ટન US $ 800ની લઘુત્તમ નિકાસ કિંમત (MEP) નક્કી કરી છે.
દેશ અને દુનિયાની અન્ય ઘટનાઓ વિશેની માહિતી માટે બન્યા રહો અમારી વેબસાઇટ www.khabrimedia.com પર.
