ચીનની નવી બીમારીથી ભારતનું ટેન્શન વધી ગયું છે
કોરોનાના કેસો હજુ પૂરા થયા નથી અને ફરી એકવાર ચીનથી આવેલા નવા રોગે ભારતમાં પ્રવેશ્યો છે. માયકોપ્લાઝમા ન્યુમોનિયા નામનો વધુ એક રોગ ભારતમાં પ્રવેશ્યો છે. જે નાના બાળકોમાં જોવા મળે છે. આ રોગે ચીનમાં હોબાળો મચાવ્યો છે. દિલ્હીની AIIMS હોસ્પિટલમાં એપ્રિલથી સપ્ટેમ્બર વચ્ચે માયકોપ્લાઝમા ન્યુમોનિયાના 7 કેસ નોંધાયા છે.
ભારતમાં ભયનું વાતાવરણ
પીસીઆર અને આઈજીએમ એલિસા ટેસ્ટનો પોઝીટીવીટી દર ત્રણ અને 16 ટકા હોવાનું જાણવા મળ્યું છે. આ જ કારણ છે કે ચીનથી આવેલા કોરોનાનો સામનો કર્યા બાદ હવે ભારતમાં આ બીમારીને કારણે લોકોમાં ભયનું વાતાવરણ જોવા મળી રહ્યું છે.ભારતમાં આ નવા કેસ સામે આવતા ચિંતા વધી ગઈ છે કારણ કે, 4 વર્ષ પહેલા ડિસેમ્બરમાં 2019, કોવિડના કેસ ચીનમાંથી જ નોંધાયા હતા જે સમગ્ર વિશ્વમાં ફેલાઈ રહ્યા હતા.
આ પણ વાંચો : અમેરિકાએ બનાવ્યું આત્મઘાથી ડ્રોન, જાણો ખતરનાક ડ્રોનની ખાસિયત
માયકોપ્લાઝ્મા ન્યુમોનિયા અને તેના લક્ષણો શું છે?
જે બાળકોને માયકોપ્લાઝમા ન્યુમોનિયાનો ચેપ લાગ્યો છે. તેમાં ગળામાં દુખાવો, થાક લાગવો, તાવ, શરદી, ઝાડા જેવા સામાન્ય લક્ષણો છે જે મહિનાઓ સુધી ચાલે છે.
તમને જણાવી દઈએ કે આ વખતે વધુ પોઝિટિવ કેસ જોવા મળ્યા છે. વૈશ્વિક સ્તરે કેસ વધી રહ્યા છે જે ચિંતાનો વિષય છે. ચીન ઉપરાંત યુરોપમાં પણ કેસ વધ્યા છે. ભારતે સાવધાન રહેવાની જરૂર છે.
આ રોગ કોને અસર કરે છે?
માયકોપ્લાઝ્મા ન્યુમોનિયા ચેપ સામાન્ય રીતે નાના બાળકો અને શાળાએ જતા બાળકોને અસર કરે છે, પરંતુ તે કોઈપણને અસર કરી શકે છે. ભીડવાળી જગ્યાએ રહેવાથી અથવા ચેપગ્રસ્ત વિસ્તારમાં રહેવાથી આ રોગનું જોખમ વધે છે.
