AAP Office : સુપ્રીમ કોર્ટે એક અરજીની સુનાવણી કરતા કહ્યું કે જે જમીન પર આમ આદમી પાર્ટીની ઓફિસ ચાલી રહી છે. તે જમીન દિલ્હી હાઇકોર્ટની છે અને ત્યાં અતિક્રમણ કરવામાં આવ્યું છે.
આ પણ વાંચો – અંબરીશ ડેરે છોડ્યો કોંગ્રેસનો હાથ, જાણો શું છે ભાજપનું પ્લાનિંગ?
AAP Office : આમ આદમી પાર્ટીની (AAP) મુશ્કેલીઓ ઓછી થવાનું નામ લેતી નથી. ઘણા નેતાઓ જેલમાં ગયા બાદ હવે પાર્ટીએ પોતાનું કેન્દ્રીય કાર્યાલય ખાલી કરવું પડશે. સુપ્રીમ કોર્ટે (supreme court) એક અરજી પર સુનાવણી કરતા પક્ષને તેની ઓફિસ ખાલી કરવાનો આદેશ આપ્યો છે. કોર્ટે કહ્યું કે લોકસભા ચૂંટણીને ધ્યાનમાં રાખીને 15 જૂન સુધીનો સમય આપવામાં આવ્યો છે.
ખબરી ગુજરાતની WhatsApp Channelમાં જોડાવા માટે અહીં ટચ કરો
આ દિલ્હી હાઈકોર્ટને આપવામાં આવેલી જમીન પર અતિક્રમણ
પોતાનો આદેશ આપતા કોર્ટે કહ્યું કે આ દિલ્હી હાઈકોર્ટને આપવામાં આવેલી જમીન પર અતિક્રમણ છે. આ જમીનનો હેતુ રાઉઝ એવન્યુ કોર્ટ માટે વધારાનો કોર્ટરૂમ બાંધવાનો છે. આમ આદમી પાર્ટી વતી હાજર રહેલા એડવોકેટ અભિષેક મનુ સિંઘવીએ કહ્યું કે આ જમીન 2015 દરમિયાન AAPને આપવામાં આવી હતી. આ પક્ષ દેશના છ રાષ્ટ્રીય પક્ષોમાંનો એક છે અને તેને પ્લોટની જરૂર છે.
AAP નવી ઓફિસ માટે સરકારને અરજી કરી શકે છે
તેના પર સુપ્રીમ કોર્ટે કહ્યું કે AAP નવી ઓફિસ માટે સરકારને અરજી કરી શકે છે. કોર્ટે એમ પણ કહ્યું કે સંબંધિત વિભાગે AAPની અરજી પર 4 અઠવાડિયામાં નિર્ણય લેવો જોઈએ. તમને જણાવી દઈએ કે આ મામલે 14મી ફેબ્રુઆરીએ સુનાવણી પણ થઈ હતી. આ દરમિયાન ચીફ જસ્ટિસે નારાજગી વ્યક્ત કરી હતી અને કહ્યું હતું કે આમાં કાયદાનો ભંગ થઈ રહ્યો છે અને તે કોઈને પણ આની મંજૂરી આપી શકે નહીં.
ખબરી ગુજરાતના Facebook પેજને ફોલો કરવા અહીં ટચ કરો
કેન્દ્ર સરકારે કોર્ટને ગેરમાર્ગે દોરી – AAP
ઉલ્લેખનીય છે કે કોર્ટમાં એક અરજી દાખલ કરવામાં આવી હતી જેમાં કહેવામાં આવ્યું હતું કે દિલ્હી હાઈકોર્ટને ફાળવવામાં આવેલા રાઉઝ એવન્યુના પ્લોટ પર AAPની ઓફિસ ચાલી રહી છે. પહેલા અહીં દિલ્હીના પરિવહન મંત્રીનું નિવાસસ્થાન હતું, પરંતુ બાદમાં AAPએ અહીં પોતાનું કાર્યાલય બનાવ્યું. આ મામલે આમ આદમી પાર્ટીએ કહ્યું છે કે કેન્દ્ર સરકારે કોર્ટને ગેરમાર્ગે દોરી છે. અહીં કોઈ અતિક્રમણ થયું નથી. આ જમીન તેમને દિલ્હી સરકારે આપી છે.
