Loksabha Election 2024 : ઇલેક્શન કમિશન ઓફ ઇન્ડિયા (Election Commission of India)એ કેન્દ્ર સરકાર પર પોતાનું કડક વલણ અપનાવતા આઈટી મંત્રાલયને નિર્દેશ આપ્યો છે કે લોકોને વ્હોટ્સએપ પર વિકસિત ભારત સંપર્ક મેસજ મોકલવાનું બંધ કરે.
આ પણ વાંચો – રાજ્યમાં ચૂંટણી પંચ દ્વારા કડક કાર્યવાહી, કુલ 5.92 કરોડની વસ્તુઓ કરી જપ્ત
Loksabha Election 2024 : ચૂંટણી પંચે કેન્દ્ર સરકાર પર કડકાઈ દાખવી છે. કમિશને આજે ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રાલયને વોટ્સએપ પર વિકાસિત ભારત મેસેજ મોકલવાનું તાત્કાલિક બંધ કરવાનો નિર્દેશ આપ્યો છે. ચૂંટણી પંચે તરત જ આ બાબતે MeitY પાસેથી અનુપાલન રિપોર્ટ માંગ્યો છે. આ અંગે ચૂંટણી પંચને અનેક ફરિયાદો મળી હતી. જેન લઈ પંચે આજે કાર્યવાહી કરી છે.
MeitY પાસેથી તાત્કાલિક રિપોર્ટ માંગ્યો
EC એ IT મંત્રાલયને વોટ્સએપ પર વિકસિત ભારતના સંદેશાઓની ડિલિવરી તાત્કાલિક બંધ કરવાનો નિર્દેશ આપ્યો છે. આ બાબતે અનુપાલન રિપોર્ટ તાત્કાલિક MeitY પાસેથી માંગવામાં આવ્યો છે. સામાન્ય ચૂંટણી 2024ની જાહેરાત અને MCC લાગુ થવા છતાં હજુ પણ નાગરિકોના ફોન પર આવા સંદેશાઓ મોકલવામાં આવી રહ્યા છે તે અંગે કમિશનને ઘણી ફરિયાદો મળી હતી. જવાબમાં, MeitYએ કમિશનને જાણ કરી હતી કે જો કે MCC લાગુ થયા પહેલા પત્રો મોકલવામાં આવ્યા હતા, તેમાંથી કેટલાક સિસ્ટમિક અને નેટવર્ક મર્યાદાઓને કારણે વિલંબ સાથે લોકોને પહોંચાડવામાં આવ્યા હોઈ શકે છે.
ખબરી ગુજરાતની WhatsApp Channelમાં જોડાવા માટે અહીં ટચ કરો
વિકસિત ભારત સંકલ્પના નામે લોકોને મોકલાતા હતા મેસેજ
ઉલ્લેખનીય છે કે સરકારના IT મંત્રાલય દ્વારા લોકોના વોટ્સએપ પર ‘વિકાસ ભારત સંપર્ક’ નામથી મેસેજ મોકલવામાં આવી રહ્યા હતા, જેમાં ‘PM મોદીની ગેરંટી’ નામથી એક વીડિયો પ્રસારિત કરવામાં આવી રહ્યો હતો. આ અંગે ચૂંટણી પંચને અનેક ફરિયાદો કરવામાં આવી હતી, ભાજપ સરકાર સામાન્ય ચૂંટણીની તારીખની જાહેરાત બાદ તેને આવા મેસેજ મોકલી રહી છે. સંદેશમાં લખવામાં આવ્યું હતું કે, “નમસ્કાર, આ સંદેશ પ્રધાનમંત્રી શ્રી નરેન્દ્ર મોદીની આગેવાની હેઠળની ભારત સરકારના વિકાસ ભારત સંપર્ક કેન્દ્ર દ્વારા મોકલવામાં આવ્યો છે.”
ખબરી ગુજરાતના Facebook પેજને ફોલો કરવા અહીં ટચ કરો
આ પહેલા પણ મોટી કાર્યવાહી કરવામાં આવી હતી
આ પહેલા ચૂંટણી પંચે 6 રાજ્યોના ગૃહ સચિવ સાથે પશ્ચિમ બંગાળના ડીજીપીને હટાવ્યા હતા. જેમાં ગુજરાત, ઉત્તર પ્રદેશ, બિહાર, ઝારખંડ, હિમાચલ પ્રદેશ અને ઉત્તરાખંડના ગૃહ સચિવોનો સમાવેશ થાય છે, આ સિવાય આયોગે મિઝોરમ અને હિમાચલ પ્રદેશમાં સામાન્ય વહીવટી વિભાગના સચિવને પણ હટાવ્યા છે.
