શેરબજાર ફરી એકવાર રેકોર્ડ સ્તરે પહોંચી ગયું છે. સેન્સેક્સ પ્રથમ વખત 74 હજાર પોઈન્ટના આંકડાને સ્પર્શ્યો છે. જ્યારે નિફ્ટી 22500 પોઈન્ટની નજીક ટ્રેડ થઈ રહ્યો છે. વહેલી સવારે શેરબજારમાં ઘટાડો જોવા મળ્યો હતો. બપોરે 2.30 વાગ્યા બાદ શેરબજારમાં ઉછાળો જોવા મળ્યો હતો.

આ પણ વાંચો – ઓનલાઇન છેતરપિંડીને પારખવા લોકોને મળ્યા ડિઝિટલ ચક્ષુ

5 માર્ચે, એટલે કે એક દિવસ પહેલા, ગોલ્ડ અને બિટકોઈન જેવી સંપત્તિઓએ આજીવન ઉચ્ચતમ રેકોર્ડ બનાવ્યો હતો. હવે બુધવાર, 6 માર્ચે શેરબજાર રેકોર્ડ સ્તરે પહોંચી ગયું છે. સેન્સેક્સે પ્રથમ વખત 74 હજાર પોઈન્ટની સપાટી વટાવી છે. બપોરે 1.30 વાગ્યા પછી સેન્સેક્સમાં ઉછાળો જોવા મળ્યો હતો અને બપોરે 2.30 વાગ્યા સુધીમાં 300થી વધુ પોઈન્ટનો ઉછાળો જોવા મળ્યો હતો. બીજી તરફ નેશનલ સ્ટોક એક્સચેન્જનો મુખ્ય સૂચકાંક નિફ્ટી પણ 90 પોઈન્ટના વધારા સાથે 22500 પોઈન્ટની ખૂબ નજીક પહોંચી ગયો છે. હકીકતમાં બેન્કિંગ સેક્ટરમાં તેજી જોવા મળી રહી છે.

ખબરી ગુજરાતની WhatsApp Channelમાં જોડાવા માટે અહીં ટચ કરો

સેન્સેક્સ રેકોર્ડ સ્તરે
બપોરે 1.30 વાગ્યા બાદ શેરબજારમાં તેજી જોવા મળી હતી. બોમ્બે સ્ટોક એક્સચેન્જનો મુખ્ય સૂચકાંક સેન્સેક્સ 400થી વધુ પોઈન્ટના વધારા સાથે 74100 પોઈન્ટને પાર કરી ગયો હતો. ખાસ વાત એ છે કે માર્ચના પહેલા સપ્તાહમાં સેન્સેક્સ બીજી વખત રેકોર્ડ હાઈ પર પહોંચ્યો છે. BSEના ડેટા અનુસાર બપોરે 2:24 વાગ્યે સેન્સેક્સ 74106.6 પોઈન્ટના રેકોર્ડ સ્તરે પહોંચી ગયો છે. બપોરે 2:50 વાગ્યે સેન્સેક્સ 372.72 પોઈન્ટના વધારા સાથે 74,049.85 પોઈન્ટ પર ટ્રેડ કરી રહ્યો છે. વહેલી સવારે સેન્સેક્સ 73,587.70 પોઈન્ટના ઘટાડા સાથે ખુલ્યો હતો અને દિવસના નીચલા સ્તરે 73,321.48 પોઈન્ટ પર આવ્યો હતો.

ખબરી ગુજરાતના Facebook પેજને ફોલો કરવા અહીં ટચ કરો

નિફ્ટી પણ નવી ઊંચાઈએ
બીજી તરફ નેશનલ સ્ટોક એક્સચેન્જનો મુખ્ય સૂચકાંક નિફ્ટી 50 પણ નવા રેકોર્ડ સ્તરે પહોંચી ગયો છે. ડેટા અનુસાર, ટ્રેડિંગ સેશન દરમિયાન નિફ્ટી 22,448.40 પોઈન્ટના સ્તરે પહોંચ્યો હતો. હાલમાં, બપોરે 2:55 વાગ્યે, નિફ્ટી 81.95 પોઈન્ટના વધારા સાથે 22,438.25 પોઈન્ટ પર પહોંચ્યો છે. જો કે, આજે સવારે નિફ્ટી 22,327.50 પોઈન્ટ પર ખુલ્યો હતો. ટ્રેડિંગ સેશન દરમિયાન નિફ્ટી પણ 22,224.35 પોઈન્ટ સાથે દિવસના નીચલા સ્તરે પહોંચી ગયો હતો. ચાલુ વર્ષમાં નિફ્ટીના રોકાણકારોને 3 ટકાથી વધુ વળતર મળ્યું છે.